Monster Hunter Wilds тоглоомын амжилт хурдацтай өсөн нэмэгдсээр байна. Гарсан даруйдаа Steam платформын шилдэг 10-д багтаж, ердөө зургаан цагийн дотор 1 сая зэрэгцээ тоглогч, гурав хоногт 8 сая борлуулалт, харин нэг сарын дотор 10 сая хувиар борлогдон Capcom-ийн шинэ дээд амжилтыг тогтоолоо.
Capcom энэхүү тэсрэлттэй амжилтыг шинэлэг тоглоомын механик болон цувралын сонгодог элементүүдтэй төгс хослуулсантай холбоотой гэж үзэж байна.
“Нэг мөчид зэрлэг догшин мангасуудаар дүүрэн зэлүүд газар, нөгөө мөчид байгалийн тансаг ертөнцөд хөл тавьж буй мэт мэдрэмж төрүүлдэг” гэж Capcom мэдэгдэлдээ дурджээ.
RE Engine болон кроссплей дэмжлэг нь тоглогчдын тоог тэлэхэд чухал нөлөө үзүүлсэн гэж Capcom онцлов. Мөн Focus Mode, нутаг дэвсгэрүүд хооронд саадгүй шилжих боломж зэрэг нэмэлтүүд тоглоомын уур амьсгалыг эрс өөрчилсөн байна.
“Классик Monster Hunter тоглоомуудын сэтгэл татам байдал болон шинэчлэлийн уялдаа тоглогчдыг гайхшруулж, богино хугацаанд дээд амжилтад хүргэсэн” хэмээн компанийн тайланд өгүүлжээ.
Capcom анхны томоохон шинэчлэл болох 4-р сарын 4-ний Grand Hub, Mizutsune, High Rank Zoh Shia болон шүтэн бишрэгчдийн хүсэн хүлээдэг Lagiacrus мангасыг эргэн ирүүлэх дохиотой агуулгыг онцолсон бөгөөд цаашид ч уламжлалт мангасуудтай шинэчлэлүүд хийгдэнэ гэж мэдэгдэв.
Capcom үргэлж тоглогчдын хүлээлтээс давсан туршлага бүтээх зорилгоо баримталж, өөрийн шинэлэг хөгжүүлэлтийн чадамжийг тоглоомын орчинд бүрэн ашиглана гэж онцолсон байна.
