“Fortnite” тоглоомд жил бүр уламжлал болгон зохион байгуулдаг Хэллоуины баярын “Fortnitemares” арга хэмжээ үргэлжилж байгаа бөгөөд энэ жил тоглогчдод бүтэн нэг сарын турш сэдэвчилсэн онцгой агуулгуудыг санал болгож байна. “Five Nights at Freddy’s”-ийн дүрүүд, шинэ боссууд болон Спрайтуудаас (Sprite) гадна тоглоомд хулуун хайрцгууд (pumpkin chests) шинээр гарч иржээ. Эдгээр нь нэмэлт Спрайт цуглуулах боломжийг олгож байгаа бөгөөд тэдгээрийг хаанаас олох болон ямар шагналууд авах боломжтойг доор тоймлон хүргэж байна.
Fortnite дахь хулуун хайрцгуудыг хаанаас олох вэ?
Хулуун хайрцгууд нь арлын янз бүрийн байршилд гарч ирэх боломжтой. Гэхдээ тоглолт бүрд дурдсан бүх цэг дээр заавал гарч ирнэ гэсэн баталгаагүй юм. Түүнчлэн одоогоор бүрэн илрүүлж амжаагүй өөр бусад байршлууд ч байх магадлалтай.
Одоогоор тогтоогдоод буй хулуун хайрцгуудын байршил:
- Lifty Lodge: хойд хэсгийн том байшингийн гол хаалганы урд.
- Freaky Fields: тухайн бүсийн баруун хойд буланд болон зүүн талын байшингийн дэргэд.
- Freddy Fazbear’s Pizzeria: пиццерийн зүүн талд, хонгилын урд.
- Green Hill Zone: зүүн өмнөд хэсэгт байрлах шатахуун түгээх станцын өөдөөс.
- Stone Sanctum: бүсийн зүүн талд болон өмнөд хэсгийн нүүлгэн шилжүүлэлтийн (эвакуаци) цэгийн ойролцоо.
- Blinky Island-ийн ойролцоо: баруун хойд зүгт орших арал дээрх байшингийн дэргэд болон зүүн талын барилгын ард.
- Nightmare Neighborhood: зүүн өмнөд хэсгийн хүүхдийн тоглоомын талбайн ойролцоо.
- Shaken Sanctuary: баруун хойд булан дахь барилгын хажууд болон өмнөд хэсгийн алслагдсан толгод дээр.
Шинэ цэгүүд илрэхийн хэрээр энэхүү жагсаалт цаашид нэмэгдэх боломжтой юм.
Fortnite-ийн хулуун хайрцгаас юу унах вэ?
Хулуун хайрцгууд нь “Fortnite”-ийн долоодугаар бүлгийн дөрөвдүгээр улиралд Спрайт цуглуулах бас нэгэн шинэ арга зам болж байна. Ийм хайрцгийг нээхийн тулд зүгээр л ойртон очиж, харилцан үйлдэл хийн хулууг хагалахад хангалттай бөгөөд үүний дараа санамсаргүй нэг Спрайт гарч ирнэ.
Хайрцгаас тухайн улиралд боломжтой төрөл бүрийн Спрайтууд унах боломжтой. Гэхдээ бусад савтай харьцуулахад эдгээрээс Spooky Dash Sprite, Deer Sprite эсвэл Vampire Sprite гарах магадлал илүү өндөр байгаа аж.
Түүнчлэн хулуун хайрцгийг анх удаа хагалахад “Battle Royale” горимын “Nitemare One”-ийн «Хулуун хайрцгийг хагалж, Спрайт ол» гэсэн даалгавар биелэгдэнэ. Энэхүү даалгаврыг биелүүлснээр тоглогчид 15,000 XP авахын сацуу “Jack-a-Nape” скин багтсан “Fortnitemares”-ийн шагналуудыг нээх нэг даалгавар амжилттай тооцогдох юм.
Хулуун хайрцгууд нь 10 дугаар сарын 31-нд “Override” арга хэмжээ дуусах хүртэл “Fortnite” тоглоомд байрших болно.
