2025 оны хамгийн их хүлээлттэй тоглоомуудын нэг болох Call of Duty: Black Ops 7 тоглоомын урьдчилсан захиалга хэзээ эхлэх талаар мэдээлэл цахим сүлжээнд цацагдлаа.
GameStop дэлгүүрийн постерүүд “ам алдлаа”
Инсайдерүүдийн анхаарлыг татсан мэдээлэл нь GameStop сүлжээ дэлгүүрүүдэд байршуулсан сурталчилгааны постероос гаралтай. Эдгээр постерт урьдчилсан захиалга нь зургадугаар сарын 20-нд эхэлнэ гэж тэмдэглэсэн байв. Харин урьдчилсан захиалга хийсэн хүмүүст ямар урамшуулал, нэмэлт контент өгөх талаар одоогоор тодорхойгүй байна. Мөн энэхүү сурталчилгаа нь зөвхөн физик хуулбарт хамаарах уу, эсвэл дижитал хувилбарт ч адил үйлчилэх үү гэдэг нь тодорхойгүй хэвээр байна.
Үнэ нэмэгдэж магадгүй
Black Ops 7 нь 80 ам.доллар (ойролцоогоор 270 мянган төгрөг) хүртэл үнэтэй байж болзошгүй. Учир нь Microsoft компани шинэ үеийн тоглоомуудын үнийг нэмэгдүүлж буйгаа өмнө нь баталсан.
Түүхэн орчин ба шинэ гол дүр
Тоглоомын үйл явдал нь 2035 онд, Black Ops 2-ын дараах үед өрнөх ба дэлхий дахин эмх замбараагүй байдалд автсан байна. Black Ops багийг Дэвид Мэйсон удирдан, нийгмийг айдас дээр үндэслэн удирдахыг оролдож буй хар санаат этгээдийн эсрэг тулалдахаар илгээнэ.
Бүхэл бүтэн кампанит ажлыг хамтдаа тоглож болно
Шинэ ангид хөгжүүлэгчид түүхэн горимд анхаарлаа хандуулсан бөгөөд энэ удаа кампанит ажлыг хамтран тоглох боломжтой болгосон. Тоглогчид найзтайгаа хамт түүхэн үйл явдлуудыг зэрэг туулж чадах нь тоглоомын хамгийн том шинэчлэлүүдийн нэг болж байна.
