Blizzard WoW-д тоглогчдын орон сууц засварлах системийг нэвтрүүлнэ

Blizzard Entertainment олон тоглогчтой алдарт World of Warcraft (WoW) тоглоомд байшин тохижуулах шинэ систем нэвтрүүлэхээр болсныг албан ёсоор зарлалаа.

Энэхүү шинэчлэл нь тоглогчдод өөрийн байшин доторх заслыг өөрчлөх боломж олгож, хоёр төрлийн горимтой байх юм:

1. Суурь горим – Тавилгыг тусгай сүлжээний дагуу байрлуулах, 15 градусын өнцгөөр эргүүлэх зэрэг хялбар тохируулгатай.
2. Өргөтгөсөн горим – Гурван хэмжээст тэнхлэгээр ажиллах боломжтой болж, тавилгын хэмжээ, өнгийг өөрчлөх, тааз, ханын бүтэц, шалны загвар солих боломжтой болно.

Анхаарах зүйл: Байшингийн дотор засал өөрчлөгдөх хэдий ч байшингийн гаднах хэлбэр хэвээрээ үлдэх юм.

Шинэчлэлийн гарах хугацаа

Энэхүү шинэ засварын систем нь Midnight өргөтгөлтэй хамт гарах төлөвтэй боловч албан ёсны нээлтийн огноо хараахан зарлагдаагүй байна.