4

PUBG-ийн хөгжүүлэгч Krafton компани 2025 оны хоёр томоохон тэмцээн болох PUBG Global Series 7 (PGS 7) болон PGS 8-ийг албан ёсоор зарлалаа. Энэхүү мэдээллийг PUBG-ийн албан ёсны сайтаар дамжуулан нийтэлжээ.
PGS 7 тэмцээн 4-р сарын 28-наас 5-р сарын 4-ний хооронд, харин PGS 8 нь 5-р сарын 12-18-ны хооронд зохион байгуулагдана. Хоёр тэмцээн хоёулаа БНХАУ-ын Шанхай хотод болох бөгөөд тус бүр 300 мянган ам.долларын шагналын сантай байна.
Тэмцээний бүрэлдэхүүнд нийт 24 баг оролцох бөгөөд үүнээс 10 баг нь Krafton-ы түнш багууд болох бол үлдсэн 14 оролцогч орны багууд нь бүс нутгийн урьдчилсан шатны тэмцээнээр шалгарна.
