Krafton компани 2026 оны PUBG: Battlegrounds-ийн киберспортын тэмцээнүүдийн замын зургийг албан ёсоор нийтэллээ. Ирэх онд тэмцээнүүдийн тоог нэмэгдүүлж, шагналын санг өсгөх замаар өрсөлдөөнийг илүү сонирхолтой болгохоор зорьж байна.
Тэмцээний хуваарь ба бүтэц
2026 онд нийт дөрвөн удаагийн PUBG Global Series (PGS) тэмцээн зохион байгуулагдахаас гадна бүс нутгийн хоёр цуврал тэмцээн явагдана. Мөн жилийн хамгийн том үйл явдлууд болох:
- PUBG Nations Cup 2026 (Улсуудын цом)
- Esports World Cup 2026 (Киберспортын дэлхийн цом)
- PUBG Global Championship 2026 (Дэлхийн аварга шалгаруулах тэмцээн) нар багтжээ.
PGS тэмцээн бүрт нийт 24 баг (12 глобал түнш баг болон бүс нутгийн сонгон шалгаруулалтаас шалгарсан 12 баг) оролцоно. Тэмцээн бүр гурван долоо хоног үргэлжлэх бөгөөд шагналын сан нь $500,000 байх юм.
Жилийн эцсийн хамгийн том тэмцээн болох PUBG Global Championship 2026-д оролцох эрхийг дараах байдлаар олгоно:
- PGS оноогоор тэргүүлсэн шилдэг 8 баг.
- Бүс нутгийн цуврал тэмцээнүүдээс шалгарсан 24 баг.
Нийт 32 шилдэг баг дэлхийн аваргын титмийн төлөө өрсөлдөх ажээ.
Санхүүгийн дэмжлэг ба тоглоомын шинэчлэл
Krafton компани глобал түнш багуудаа дэмжих зорилгоор $1 сая долларыг хуваарилсан бол бүс нутгийн тэмцээнүүдэд нэмэлт $130,000 доллар зарцуулахаар болжээ. Түүнчлэн тоглоом доторх киберспортын хэсгийг шинэчилж:
- Pick’em Challenge-ийг илүү сонирхолтой болгож өөрчлөх.
- Шинэ төрлийн Fantasy арга хэмжээнүүд нэмэх.
- Esports Pass-ийг шинээр нэвтрүүлэхээр төлөвлөж байна.
