CS2-ийн домогт тоглогч s1mple есөн жилийн дараа NAVI-г орхиж, BCGame багт нэгдлээ

Дэлхийн шилдэг мэргэжлийн тоглогчдын нэг Александр “s1mple” Костылев багийнхаа нэрийн хуудас болсон Natus Vincere (NAVI) багийг албан ёсоор орхиж буйг тус байгууллагын албан ёсны сайт мэдэгдлээ.

NAVI дахь 9 жилийн домогт замнал

s1mple-ийн NAVI-д өнгөрүүлсэн есөн жил нь esports-ийн түүхэнд нэгэн тод хуудас болж үлджээ. Тэр хугацаанд:

• 3 удаа дэлхийн шилдэг тоглогч-оор нэрлэгдсэн
• 21 удаа MVP цол хүртсэн
• PGL Major Stockholm 2021, Intel Grand Slam зэрэг томоохон тэмцээнд түрүүлсэн
• 2021 он түүний хувьд домогт жил болж үлдсэн

“Саша бидэнтэй хамт туулсан зам, авчирсан амжилт бүрт нь бид үүрд талархах болно,” хэмээн NAVI баг мэдэгдэлдээ дурджээ.

Шинэ эхлэл: BCGame багт нэгдэв

NAVI-гаас явсны дараахан BCGame баг s1mple-ийг CS2 бүрэлдэхүүндээ албан ёсоор элсүүлснээ зарлаж, уг мэдээллийг клубынхаа цахим хуудсуудаар нийтэлжээ.

• Шилжилтийн гэрээний нөхцөл нь олон нийтэд ил болоогүй
• Одоогийн бүрэлдэхүүнд:
  • Лука “pr1metapz” Войт
  • Неманья “nexa” Исакович
  • Одоо: Александр “s1mple” Костылев

Туршлагатай тоглогчийн ирэлт BCGame багт шинэ эрч хүч, өрсөлдөөний өндөр түвшин авчирна хэмээн үзэж байна.