Цахим спортын “CS2” төрлийн хамгийн том тэмцээн болох BLAST.tv Мажор 2025 нь энэ оны зургаадугаар сард АНУ-ын Техас мужийн Остин хотод зохион байгуулагдана. 1.25 сая ам.долларын шагналын сантай тус тэмцээнд дэлхийн шилдэг 32 баг өрсөлдөх бөгөөд Ази, Номхон далайн бүсээс таван баг урилгаар оролцох юм. Монгол улсыг төлөөлөн Team MongolZ баг 1xBet ивээн тэтгэлэгтэйгээр мажорт оролцох юм. Харин дараагийн Мажорт өрсөлдөх хоёр дахь монгол баг аль баг байх вэ гэсэн хүлээлт олон нийтийн дунд өндөр байна.
Монголын дөрвөн баг эрхийн төлөө өрсөлдөж байна:
- Chinggis Warriors
- Eruption
- The Huns
- Gods Reign (Баруун Азийн төлөөлөл ч өрсөлдөөнд багтсан)
Монголын гурван багийн аль нэг нь эрх авах магадлал 75% гэж үзэж болох бөгөөд өнөөдөр/2025.04.16/ сонгон шалгаруулалтын тоглолтууд үргэлжилж байна.
- Дээд шатны финалд: Chinggis Warriors vs Eruption
- Доод шатны хагас шигшээд: The Huns vs Gods Reign
ATOX Esports – эрхээ алдсан баг
Хэдийгээр олон хүн ATOX Esports багийг эрх авах гол өрсөлдөгч гэж харж байсан ч тэдэнд тоглолт наймаалсан байж болзошгүй гэсэн мэдээллийн улмаас “Valve” компани оролцох эрхийг нь хүчингүй болгосон. Үүнтэй холбоотой албан ёсны мэдээлэл хараахан гараагүй байна.
2 comments
“The MongolZ” багийн амжилт үнэхээр бахархмаар. Тэдний дараа олон улсын тэмцээнд оролцох дараагийн монгол баг хэн байх бол гэж тэсэн ядан хүлээж байна.
Монголын цахим спортын хөгжилд “The MongolZ” багийн амжилт чухал үүрэг гүйцэтгэж байна. Тэдний дараа олон улсын тэмцээнд оролцох баг нь ямар ч байсан, бид дэмжих болно.