Монголын “The MongolZ” баг “PGL Bucharest 2026” тэмцээний хүрэл медалийн төлөөх тоглолтод Францын “3DMAX” багийг 2:0 (Inferno 13:5, Ancient 13:2) харьцаатайгаар илт давуу буулган авч, тэмцээний гуравдугаар байрт шалгарлаа. Тэмцээний аваргын төлөө “FUT” болон “Astralis” багууд Гранд финалд тулалдахаар үлдээд байна.
Энэхүү шийдвэрлэх тоглолтод “The MongolZ”-ийн гурван ч тоглогч MVP болох хэмжээний гайхалтай тоглолт үзүүлсэн ч Techno ялалтад хамгийн жинтэй хувь нэмэр орууллаа. Тэрээр тоглолтын турш 30 аллага гүйцэтгэж, 18 удаа үхсэн бөгөөд түүний ADR нь 99 байсан нь бүх тоглогчдоос хамгийн өндөр үзүүлэлт байв.
Тоглолтын дэлгэрэнгүй статистик:
3DMAX багийн үзүүлэлт:
| Тоглогч | Kill | Death | Assist | +/- | ADR |
| Maka | 23 | 28 | 6 | -5 | 80 |
| Graviti | 16 | 27 | 8 | -11 | 72 |
| Lucky | 16 | 27 | 4 | -11 | 56 |
| misutaaa | 14 | 29 | 4 | -15 | 50 |
| Ex3rcice | 11 | 27 | 5 | -16 | 44 |
| Нийт | 80 | 138 | 27 | -58 | 302 |
The MongolZ багийн үзүүлэлт:
| Тоглогч | Kill | Death | Assist | +/- | ADR |
| bLitz (MVP) | 31 | 15 | 13 | +16 | 99 |
| Techno | 30 | 18 | 12 | +12 | 99 |
| cobrazera | 29 | 14 | 7 | +15 | 94 |
| 910 | 28 | 15 | 6 | +13 | 80 |
| mzinho | 19 | 18 | 9 | +1 | 67 |
| Нийт | 137 | 80 | 47 | +57 | 438 |
Хэдийгээр “3DMAX” хүчтэй өрсөлдөгч байсан ч энэ тоглолт хоёр багийн хувьд тэмцээний сүүлийн даваа байж, 3 болон 4 дүгээр байрыг ийнхүү шийдвэрлэлээ. Энэ ялалтын ачаар 1xBet Mongolia-ийн дэмжлэгтэй The MongolZ баг хүрэл медаль хүртэж, 75,000 ам.долларын шагнал авсан бол франц клуб 43,750 ам.доллар авч нутаг буцжээ. Аваргын цом болон 200,000 ам.долларын гол шагналыг хэн хүртэх нь 4 дүгээр сарын 11-нд тодорно.
“PGL Bucharest 2026” тэмцээн 4 дүгээр сарын 4-нөөс 11-ний хооронд Румын улсын Бухарест хотод зохион байгуулагдлаа. Тэмцээнд нийт 16 баг 625,000 ам.долларын шагналын сан болон аваргын төлөө өрсөлдөж байна.
