Electronic Arts компани 2025 онд EA Sports FC 25 тоглоомын хүрээнд eChampions League тэмцээн дахин зохион байгуулагдахаар болсныг албан ёсоор зарлалаа. Шинэ улиралд UEFA-ийн шинэчлэгдсэн дүрэм үйлчлэх бөгөөд формат илүү өрсөлдөөнтэй, шаталсан тогтолцоотой болсон байна.
Шинэ формат – нэг лиг, олон боломж
Шинэ бүтэц нь нийт 36 тоглогчийг нэг лигт байршуулж, тус бүр 6 тоглолт хийнэ. Үүний дараа хамгийн өндөр оноо авсан 24 тоглогч Knockout Phase шат руу шилжих бөгөөд тэнд финалын шатны 8 эрх төлөө өрсөлдөх юм.
Тэмцээний эрх авах лигүүд
eChampions League 2025 тэмцээнд оролцох боломжийг Европын 18 улсын албан ёсны лигүүд олгоно. Оролцогчдын хуваарилалт дараах байдлаар байна:
- Англи, Герман, Франц, Нидерланд, Итали, Испани – тус бүр 4 эрх
- Португали – 2 эрх
- Финлянд, Норвеги, Чех, Ирланд, Болгар, Мальта, Бельги, Литва, Румын, Люксембург – тус бүр 1 эрх
Энэхүү бүтэц нь илүү олон орны тоглогчид олон улсын тавцанд гарч ирэх боломжийг олгож байгаа юм.
Шувтралын тоглолт Мюнхенд болно
2025 оны eChampions League финалын шат тавдугаар сарын 28-нд Германы Мюнхен хотын Eisbach Studios-т зохион байгуулагдах бөгөөд EA Sports FC-ийн шилдгүүд дэлхийн анхаарлыг татсан тоглолт хийнэ.
Тэмцээний тов
- League Phase (Лигийн шат) – 5-р сарын 16–17
- Knockout Phase (Хасагдах шат) – 5-р сарын 18
- Finals (Финалын шат) – 5-р сарын 28
