ESL байгууллага Стокхольм хотноо болох ESL Pro League Season 23 тэмцээнд уригдсан багуудын жагсаалтыг албан ёсоор танилцууллаа. Энэхүү мэдэгдэл хэд хэдэн томоохон мэдээг дагуулсан бөгөөд Vitality болон Falcons багууд оролцохоос татгалзсан нь тэмцээний хүчний харьцаа, шатны формат, тэр байтугай ESL Grand Slam-ын төлөөх өрсөлдөөнд шууд нөлөөлж байна.
Тэмцээн шинэчилсэн бүтцээр явагдах бөгөөд бүх урилгуудыг 2026 оны 1 дүгээр сарын 5-ны байдлаарх Valve Regional Standings (VRS) чансаанд үндэслэн олгожээ.
EPL S23-ын оролцогчид болон формат
Нийт 24 баг тэмцээнд оролцох бөгөөд тус бүр 16 багтай хоёр “Swiss” шатанд онлайн хэлбэрээр тоглоно:
- 8 баг 2-р шатанд (Stage 2) шууд уригдсан.
- 16 баг 1-р шатнаас (Stage 1) тоглолтоо эхлүүлнэ.
- 2-р шатны шилдэг 8 баг амьд үзэгчдийн өмнө болох плей-оффт шалгарч, 1,000,000 ам.долларын шагналын сан болон ESL Grand Slam-ын онооны төлөө өрсөлдөнө.
- Сүүлийн зургаан жилийн хугацаанд анх удаа EPL-ийн плей-оффын шат ордонд (арена) зохион байгуулагдах гэж байна.
Vitality болон Falcons татгалзсаны үр дагавар
Team Vitality (VRS #2) болон Team Falcons (VRS #3) багууд ESL Pro League Season 23-ын урилгаасаа албан ёсоор татгалзжээ. Үүнээс үүдэн:
- Ninjas in Pyjamas (VRS #20) болон Passion UA (VRS #21) багууд чансааны дарааллын дагуу уригдсан байна.
- Aurora Gaming болон B8 багууд автоматаар дэвшиж, 1-р шатны оронд 2-р шатнаас тэмцээнээ эхлүүлэхээр болжээ.
- Vitality баг нэг жилийн дотор хоёр дахь Intel / ESL Grand Slam-аа авах боломжоо алдав. Учир нь тэд үүний тулд IEM Krakow болон ESL Pro League-д дараалан түрүүлэх шаардлагатай байсан юм.
- Vitality баг 2019 оноос хойш тасралтгүй 13 улирал оролцож, гурван удаа түрүүлсэн түүхэн амжилт нь ийнхүү тасарч байна.
FUT Esports яагаад оролцох болов?
FUT Esports баг нь ESL-ийн шийдвэрээр Lynn Vision багийг орлож байгаа юм. Lynn Vision баг EPL Season 22-ын бүртгэлийн хугацаа дууссаны дараа нэрээ татсан тул дараагийн “Tier-1 VRS” арга хэмжээ болох Season 23-д оролцох эрхээ хасуулсан байна. Үүний үр дүнд Wildcard урилга нь Global VRS урилга болон хувирч, FUT Esports албан ёсоор жагсаалтад багтжээ.
Уригдсан багуудын жагсаалт
Stage 2 — Шууд уригдсан багууд (VRS 1–10): FURIA, Team Spirit, Natus Vincere, MOUZ, FaZe Clan, The MongolZ, Aurora Gaming, B8.
Stage 1 — Уригдсан багууд (VRS 11–21 + бүсийн): Legacy, G2 Esports, Team Liquid, 3DMAX, Astralis, HEROIC, paiN Gaming, FUT Esports, Ninjas in Pyjamas, Passion UA, PARIVISION, NRG, Gaimin Gladiators, SemperFi Esports, M80, Monte.
