11
PGL Bucharest 2025 CS2 turnirinin qrup mərhələsinin üçüncü raundunda The Mongolz komandası Team Liquid üzərində inamlı qələbə qazanaraq rəqibini turnirdən kənarlaşdırdı. Qarşılaşma 2:0 hesabı ilə başa çatdı.
Monqol təmsilçisi hər iki xəritədə üstünlük nümayiş etdirdi:
- Mirage xəritəsində — 13:11
- Anubis xəritəsində — 13:7
Bu nəticə ilə The Mongolz komandası turnirdəki göstəricilərini 1 qələbə və 2 məğlubiyyət səviyyəsinə çatdırdı.
Team Liquid isə Kamil “siuhy” Şkaradekin rəhbərliyi altında 15–16-cı yerlə kifayətləndi və 6,250 ABŞ dolları mükafat qazandı.
Qeyd edək ki, PGL Bucharest 2025 turniri Rumıniyada keçirilir və ümumi mükafat fondu 625 min ABŞ dolları təşkil edir. Qrup mərhələsinin növbəti oyunları sabah Bakı vaxtı ilə saat 11:00-da başlayacaq.
