Steam шинэ дээд амжилт тогтоолоо — Battlefield 6-ын нээлт 41 сая хэрэглэгчийг татлаа

Battlefield 6-ийн албан ёсны нээлтийн дараа зөвхөн Electronic Arts бус, Valve ч баяр тэмдэглэх боломжтой боллоо. Аравдугаар сарын 12-нд Steam дээр нэгэн зэрэг 41.6 сая гаруй хэрэглэгч онлайн байсан нь платформын шинэ дээд амжилт болжээ. Тэдний дунд ойролцоогоор 13 сая хүн тухайн мөчид тоглоом тоглож байсан байна.

Өмнө нь Steam хамгийн өндөр онлайн идэвхтэй байсан тохиолдол 2025 оны гуравдугаар сарын 10-нд бүртгэгдэж, тухайн үед 41.2 сая хэрэглэгч онлайн байжээ. Тэр үеийн идэвхийг Monster Hunter Wilds-ийн гарц өдөөсөн байсан бол одоо Battlefield 6 статистикийг шинэ түвшинд хүргэв.

Топ тоглоомуудын жагсаалт

Steam-ийн одоогийн хамгийн их тоглогдож буй тоглоомууд дараах байдлаар байна:

1. Counter-Strike 2
2. Dota 2
3. PUBG: Battlegrounds
4. Battlefield 6
5. Bongo Cat — энэхүү инди-хит 100 мянга гаруй зэрэгцээ тоглогч татсанаар олон хүнийг гайхшруулав.

Steam-ийн онлайн идэвхийн өсөлт нь платформын эрэлт буураагүйг дахин баталж, томоохон тоглоомын гарцууд хэрэглэгчийн идэвхийг эрс нэмэгдүүлдэгийг харууллаа.