Riyadh Masters 2025: ESL шинэчилсэн сонгон шалгаруулалтын хуваариа зарлалаа

Dota 2 тоглоомын хамгийн том олон улсын тэмцээнүүдийн нэг болох Riyadh Masters 2025-ийн бүс нутгийн шалгаруулалтын шинэ хуваарийг зохион байгуулагч ESL зарлаж, багуудад чухал өөрчлөлт хийснээ мэдээллээ. Энэхүү өөрчлөлт нь Valve компанийн The International 2025-ийн шалгаруулалттай давхцахаас сэргийлсэн арга хэмжээ юм.

Шинэчилсэн хугацаа

Riyadh Masters 2025 тэмцээний сонгон шалгаруулалт 2025 оны 6 сарын 5-наас 13-ны хооронд явагдах бөгөөд зөвхөн Хятадын бүсийн шалгаруулалт 5 сарын 16-нд явагдана.

ОНЦЛОХ ХУВААРЬ:

Нээлттэй шалгаруулалт (бүх бүсэд):

• 2025 оны 6 сарын 3–4

Хаалттай шалгаруулалт:

• Хойд Америк) 6 сарын 5–6
• Баруун Европ: 6 сарын 5–7
• Зүүн Өмнөд Ази: 6 сарын 8–10
• Ойрхи Дорнод ба Өмнөд Баруун Ази: 6 сарын 8–10
• Өмнөд Америк: 6 сарын 11–13
• Зүүн Европ: 6 сарын 11–13

Riyadh Masters 2025 тэмцээний талаар

Энэхүү нэр хүндтэй тэмцээн нь 2025 оны 7 сарын 8–19-ний хооронд Саудын Арабын нийслэл Рияд хотод зохион байгуулагдана. Нийт 16 баг оролцох бөгөөд 3 сая ам.долларын шагналын сантай. Багуудын зарим нь шууд урилгаар, зарим нь бүс нутгийн сонгон шалгаруулалтаар оролцох эрхээ авах юм.