Red Bull Kumite 2025 – Play-in шатны сүлжээ ба хуваарь нийтлэгдлээ

by Саруул Батболд
0 comments

Уламжлалт тулаант тоглоомын хамгийн нэр хүндтэй тэмцээнүүдийн нэг болох Red Bull Kumite 2025-ийн Play-in шатны сүлжээ болон тулаануудын хуваарь албан ёсоор нийтлэгджээ. Энэхүү шатны тоглолтууд 4-р сарын 5-ны өдөр Улаанбаатарын цагаар 18:30-д эхэлнэ.

Play-in шатанд өрсөлдөх тамирчид:

  • Takamura (Бельги) – Red Bull Kumite 2025 Belgium Qualifier-ын ялагч
  • MarkTheShark (Өмнөд Африк) – ӨАБНУ-ын шалгаруулалтын ялагч
  • Kusanagi (Мексик) – Mexico Finals-ийн аварга
  • iDom (АНУ) – GENESIS X2 2025 тэмцээний ялагч
  • ZJZ (Тайвань) – Taiwan Qualifier-ийн ялагч
  • Higuchi (Япон) – Beast Cup KUMITE 2025-ийн ялагч
  • Senor Power (Франц) – France Qualifier-ийн түрүү
  • Salvatore (Колумб) – Argentina Finals-ийн ялагч

Play-in шатны дараа Red Bull-ийн багийн зүгээс тусгай шоу тоглолт бэлтгэсэн бөгөөд үүний дараа Red Bull Kumite 2025-ийн LCQ (Last Chance Qualifier) шатны Топ-16 тоглолтууд эхэлнэ. LCQ шатанд нийт 253 тамирчин өрсөлдөх юм.

Энэ жилийн Red Bull Kumite Paris 2025 нь Street Fighter 6 тоглоомоор явагдаж, 4-р сарын 5-6-нд Францын Maison de la Mutualité концертын танхимд зохиогдоно. Шагналын сан нь 50 мянган ам.доллар бөгөөд тэмцээнийг RedBull TV болон Twitch дэх Red Bull-ийн сувгаар шууд үзэх боломжтой.

You may also like

Leave a Comment