Английн Бирмингем хотод зохион байгуулагдсан Rocket League Championship Series (RLCS) 2025 – Birmingham Major тэмцээний шигшээ тоглолтод Karmine Corp баг The Ultimates-ийг 4:0 харьцаатай хожиж, аваргын титмийг хүртлээ.
Энэхүү ялалт нь Karmine Corp багт 102,000 ам.доллар болон 30 оноо авчирсан бөгөөд эдгээр оноо нь улирлын дараагийн томоохон тэмцээнд шалгарахад чухал нөлөө үзүүлэх юм. Харин The Ultimates баг хоёрдугаар байрт шалгарч, 51,000 ам.доллар ба 20 оноо хүртжээ.
FURIA болон NRG багууд хагас шигшээд шалгарсан бөгөөд 3–4-р байрт бичигдэн тус бүр 36,000 ам.долларын шагналын эзэд болсон байна.
RLCS 2025 Birmingham Major нь 2025 оны 3-р сарын 27-ноос 30-ны хооронд Английн Бирмингем хотод болж, нийт 351,000 ам.долларын шагналын сантайгаар өндөрлөсөн юм.