Playground Games студийн шинэчлэн бүтээж буй домогт Fable тоглоом Xbox хэрэглэгчдийн дунд хамгийн их хүлээлт үүсгэж байна. ResetEra форумд явуулсан санал асуулгаар 37% тоглогч энэхүү төслийг хамгийн их хүлээж буй тоглоомоор нэрлэжээ.
Fable — 15 жилийн дараа дахин мэндэлж байна
Анхны Fable тоглоом 2004 онд гарч, гурав дахь анги нь 2010 онд цацагдаж байсан бол шинэ хувилбар нь 2026 онд албан ёсоор худалдаанд гарахаар хойшлогджээ. Төслийг Forza Horizon цувралаараа алдартай Playground Games хариуцан хөгжүүлж байгаа нь олон тоглогчдыг гайхшруулсан боловч сонирхлыг ч давхар төрүүлж байна.
ResetEra санал асуулгын үр дүн:
- Fable – 37%
- Perfect Dark – 23%
- Gears of War: E-Day – 14%
Fable-ийн шинэ хувилбарын талаарх мэдээлэл цөөн байгаа ч албан ёсны трэйлерүүд нь сайжруулсан график, шинэ анимацтай боловч 2000-аад оны эхэн үеийн уур амьсгалыг хадгалсан хэвээр буйг харуулжээ.
Microsoft-ийн анхаарлын төвд
Xbox Games Showcase 2024 арга хэмжээний үеэр Microsoft дотоод хөгжүүлэлтийн багуудын төслүүдэд илүү анхаарал хандуулж эхэлсэн нь Fable-ийн хүлээлтийг улам нэмэгдүүлэв. Гэсэн хэдий ч зарим тоглогчид геймплейн талаарх тодорхой мэдээлэл хомс, өмнө нь зөвхөн уралдааны тоглоом дээр ажиллаж байсан студид болгоомжтой хандаж буйгаа илэрхийлсэн.
1 comment
Fable эргэн ирж байгаад үнэхээр баяртай байна, хуучин хувилбарууд нь дурсамж дүүрэн!