Esports World Cup 2025: PUBG Mobile болон Mobile Legends-ийн тэмцээний бүтэц, багийн урилгууд тодорхой боллоо

by Саруул Батболд
0 comments

Esports World Cup 2025–ийн хүрээнд болох PUBG Mobile World Cup болон Mobile Legends: Bang Bang Mid-Season Cup тэмцээнүүдийн тэмцээний бүтэц, багийн урилга болон шагналын сангийн мэдээлэл олон нийтэд зарлагдлаа.

PUBG Mobile World Cup 2025

Тэмцээний шагналын сан 3 сая ам.доллар, нийт 24 баг оролцоно. Тэд дараах байдлаар шалгарна:

  • 1-р улирлын Европын бүсийн Топ-3 баг
  • 1-р улирлын Америкийн бүсийн Топ-3 баг
  • Төв болон Зүүн Азийн Топ-3
  • Ойрх Дорнодын бүсийн Топ-3
  • Зүүн Өмнөд Азийн 2-р улирлын Топ-3
  • Зүүн Өмнөд Азийн Wildcard тэмцээний 1 баг
  • Pro Series Korea-ийн аварга
  • Японы лигийн аварга
  • Japan vs Korea Rivals Cup-ийн ялагч
  • PMGO 2025 (Узбекистан, Ташкент)-ийн ялагч
  • Хятадын Peacekeeper Elite League-ийн шилдэг 2 баг
  • Saudi eLeague x PMNC KSA 2025 – Major 1-ийн аварга
  • Нэг тусгай урилгатай баг

Тэмцээн групп шат, амьд үлдэх шат болон гранд финал гэсэн гурван хэсэгтэй. Групп шатны топ-8 баг шууд финалд шалгарч, үлдсэн 16 баг Survival Stage-д өрсөлдөж, тэндээс дахин топ-8 баг финалд гарна.

Mobile Legends: Bang Bang (MLBB) Mid-Season Cup 2025

Тус тэмцээнд нийт 24 баг оролцоно. Үүнд:

Шууд үндсэн шатанд:

  • Индонезийн лигийн Топ-2 баг (энд NAVI оролцож буй)
  • Филиппиний Топ-2
  • Малайзийн Топ-2
  • Камбож, Хятад, Зүүн Европ ба Төв Ази, Ойрх Дорнод, Латин Америк, Мьянмар, Хойд Америк, Сингапурын тус бүр нэг аварга баг

Wildcard шатанд:

  • Монгол, Вьетнам, Меконг, Ойрх Дорнод, Латин Америк, Япон, Зүүн Европ ба Төв Ази, Хятадаас тус бүр 1 баг оролцоно. Эдгээрээс зөвхөн нэг баг үндсэн шатанд шалгарна.

Esports World Cup 2025 тэмцээн 2025 оны 7-р сарын 7-ноос 8-р сарын 25-ны хооронд Саудын Арабын Эр-Рияд хотод зохион байгуулагдана. Тус тэмцээн нь дэлхийн хамгийн том олон төрлийн esport-ийн арга хэмжээ болох юм.

You may also like

Leave a Comment