Valve компани “Counter-Strike 2” тоглоомондоо зориулан Dead Hand хэмээх шинэ цуглуулга бүхий томоохон шинэчлэлтийг 2026 оны 3-р сарын 12-ны өдөр гаргалаа. Энэхүү шинэчлэлтээр хамт олны бүтээсэн (community-made) өвөрмөц загвартай гоёл чимэглэлийн зүйлсийг тоглоомд нэмсэн байна.
Dead Hand цуглуулгын онцлог
Энэхүү цуглуулга нь Steam Workshop-ийн уран бүтээлчдийн оролцоотойгоор бүтээгдсэн бөгөөд маш тод, ялгарал ихтэй загваруудаараа онцлог юм. Цуглуулгад дараах зүйлс багтжээ:
- 17 шинэ бууны скин: Төрөл бүрийн зэвсэгт зориулсан шинэлэг загварууд.
- 22 шинэ бээлий: Энэхүү шинэчлэлтийн хамгийн том “сюрприз” нь ховор зэрэглэлийн (Special Items) 22 төрлийн бээлий юм. Эдгээр нь тоглолтын үеийн “хайлайт” болон дараалсан устгалуудыг илүү үзэмжтэй харагдуулах зорилготой.
Шинэ зүйлсийг хэрхэн авах вэ?
“Dead Hand” цуглуулгын эд зүйлсийг Dead Hand Terminals-аар дамжуулан авах боломжтой. Эдгээр нь тоглоомын явцад буюу долоо хоног бүрийн урамшууллын (weekly drops) хүрээнд тоглогчдод санамсаргүй байдлаар ирэх юм. Valve компани тоглогчдыг тогтмол тоглосныхоо төлөө шинэ скин авах боломжийг ийнхүү өргөжүүлж байна.
Шинэчлэлтийн хэмжээ болон бусад өөрчлөлтүүд
Шинэчлэлтийн нийт хэмжээ ойролцоогоор 2 ГБ бөгөөд олон тооны шинэ модель, текстур нэмэгдсэнтэй холбоотой аж. Мөн дараах засварууд оржээ:
- Dust2: Газрын зургийн “Long” хэсэгт байсан хаалганы пикселийн зайг зассан.
- Alpine: Газрын зургийг Workshop-ийн хамгийн сүүлийн хувилбар болгон шинэчилсэн.
