Blizzard Entertainment компани олон улсын тоглоомын хамгийн том наадмуудын нэг болох BlizzCon 2026-ийг зохион байгуулахаа албан ёсоор мэдэгдлээ. Энэхүү арга хэмжээ 2026 оны 9-р сарын 12-13-ны өдрүүдэд Калифорнийн Анахайм хотын Anaheim Convention Center-т болно.
Blizzard уг наадмыг зарлахдаа:
“BlizzCon эргэн ирлээ! Энэ бол бидний тоглоомууд болон биднийг нэгтгэдэг тоглоомын нэгдсэн нийгэмлэгийн баяр юм. 2005 оноос хойш BlizzCon биднийг бүтээлч сэтгэлгээгээ тэлэх, гайхалтай санаанууд гаргах, мартагдашгүй туршлагууд бий болгоход урамшуулсаар ирсэн. 2026 онд бид энэ уламжлалыг үргэлжлүүлэн, тоглогчиддоо зориулсан гайхалтай арга хэмжээ зохион байгуулах болно.” гэж онцолжээ.
BlizzCon 2026-д тэмцээнүүд, шинэ тоглоомын танилцуулга, геймплей үзүүлбэр, сонирхолтой арга хэмжээнүүд зэрэг олон зүйл багтах бөгөөд оролцогчдыг гайхалтай туршлага хүлээж байна.
Сүүлийн удаа BlizzCon 2023 онд зохион байгуулагдсан бол Blizzard компани албан ёсны вэбсайтаа шинэчилж, 2026 оны наадамтай холбоотой мэдээлэл авах хүсэлтэй тоглогчдод бүртгүүлэх боломжийг нээлттэй болгожээ.
