15
Esports Charts-аас гаргасан 2026 оны хоёрдугаар сарын тайлангаар, англи хэл дээрх үзэгчдийн дунд хамгийн их хандалт авсан тэмцээнээр IEM Kraków 2026 тодорлоо. Хоёрдугаар сарын 8-нд болсон FURIA болон Vitality багуудын аваргын төлөөх тоглолтын үеэр үзэгчдийн тоо оргил үедээ 456,219-т хүрчээ. Counter-Strike 2-ын энэхүү тэмцээн чансааг тэргүүлээд зогсохгүй, Vitality баг өрсөлдөгчөө 3:1-ээр хожиж аваргалах үед “Мэйжор” (Major) бус тэмцээнүүдийн үзэлтийн шинэ дээд амжилтыг тогтоосон байна.
Удаах байруудад орсон тэмцээнүүд:
- 2-р байр: RLCS 2026 – Boston Major. Хоёрдугаар сарын 22-нд болсон Vitality болон M8 багуудын тоглолтыг 415,262 хүн зэрэг үзсэн нь Rocket League-ийн түүхэн дэх үнэмлэхүй дээд амжилт боллоо (Нийт үзэгчдийн оргил үе 624 мянгад хүрсэн).
- 3-р байр: LEC 2026 Versus. Хоёрдугаар сарын 1-нд болсон G2 болон LR багуудын тулааны үеэр 388,301 үзэгч цугларчээ.
- 4-р байр: LCK Cup 2026. Хоёрдугаар сарын 22-нд T1 болон DK багуудын тоглолт 331,891 үзэгчийн анхаарлыг татсан байна.
- 5-р байр: Call of Duty League 2026: Stage 1 Major. Хоёрдугаар сарын 2-нд OPTX болон PM8 багуудын тоглолт 268,013 үзэгчтэйгээр жагсаалтыг мухарлажээ.
