Энэ улирлын гурав дахь Tier-1 зэрэглэлийн тэмцээний Гранд финал 2-р сарын 23-нд өндөрлөж, манай улсын баг тамирчдын хувьд хамгийн амжилттай тэмцээн болж өнгөрлөө. 1xBet-ийн албан ёсны түнш The MongolZ баг шилдэг дөрөвт (Top-4) шалгарч, шагналын сангаа 43,000 гаруй ам.доллароор зузаатгав. Мөн тэд тэмцээний гол фаворитуудын нэгийг буулган авч, чин сэтгэлийн тоглолтоороо хөндлөнгийн үзэгчдийн хайртай баг болж чадлаа.
Хэсгийн шат дахь The MongolZ-ийн гайхалтай тоглолт
Э.Далай (maaRaa) дасгалжуулагчтай манай залуус Cluj-Napoca дахь аянаа PaIN багийг хожсоноор эхлүүлсэн. Тэд Nuke (7:13) карт дээр хожигдсон ч Mirage (13:1), Dust2 (13:2) карт дээр Бразилчуудыг бут ниргэж, 1:0 харьцаатай замаа үргэлжлүүлсэн юм. Үүний дараа тэднийг Counter-Strike-ын түүхэн дэх хамгийн хүчирхэг баг болох Vitality-тай хийх томоохон шалгуур хүлээж байв.
The MongolZ баг хэнээс ч эмээхгүй гэдгээ харуулж, Mirage карт дээр “Зөгий”-нүүдийг (Vitality) буулган авсан боловч Shahar «flameZ» Shushan, William «mezii» Merriman нар тоглолтод жинхэнэ утгаараа орж ирснээр Францын байгууллага ялалт байгууллаа. Сонирхолтой нь, Vitality тэмцээний турш ердөө хоёрхон карт алдсаны нэг нь манайханд, нөгөө нь G2-т байсан юм.
Эхний хожигдлын дараа манай залуус 1:1-ийн хүснэгтэд шинээр гарч ирж буй B8 багтай тулсан. Nuke карт дээр хоёр удаа нэмэлт цаг (overtime) сунгасан ширүүн тулаан болж, Б.Усухбаяр (910) CT талд AWP-ээр мастер класс үзүүлэн 1.49 рейтингтэйгээр багтаа чухал ялалт авчирлаа.
Дараагийн тоглолтод NAVI-гийн эсрэг Nuke карт дээр өөр нэгэн баатар тодорсон нь багийн шинэ цэрэг У.Анарбилэг (cobrazera) байв. Түүний ур чадварт Natus Vincere-ийн тоглогчид аргаа баран “тильт” (tilt) орж байлаа. Ийм авьяаслаг рифлер гарч ирсэн тул The MongolZ-ийн хөгжөөн дэмжигчид М.Азбаярыг (Senzu) төдийлөн үгүйлээд байхгүй болов бололтой.
NAVI-г хожсоноор манайхан 3:1 гэсэн амжилтаар плей-оффын шатанд итгэл төгс шалгарсан юм.
Плей-оффын ид шид: FURIA-гийн нулимс ба “Хүрэл финал”
PGL Cluj-Napoca 2026-ийн шөвгийн наймд The MongolZ жинхэнэ гайхамшгийг бүтээж, Valve-ийн чансааны 2-рт эрэмбэлэгддэг Бразилын FURIA багийг 2:1 харьцаатай буулган авлаа. Тэд Mirage (13:3) карт дээр өрсөлдөгчөө илт давуу хожиж, Dust2 (13:10) картыг алдсан ч Nuke (13:10) карт дээр цэг тавьж чадсан юм.
Уг тоглолтын шилдэг тоглогчоор 1.34 рейтингтэй cobrazera дахин тодорсон бол 910 өөрийн AWP тоглолтоороо Tier-1 түвшний од Данил (molodoy) Голубенког сүүдэрт нь үлдээж байв.
Харамсалтай нь, хагас финалд Vitality-тай дахин таарснаар манай залуусын үлгэр өндөрлөлөө. Энэ удаад Robin «ropz» Kool болон Mathieu «ZywOo» Herbaut нар 1.40+ рейтинг үзүүлэн маш хүчтэй байсан тул тэднийг зогсоож чадсангүй.
3-р байрын төлөөх тоглолтод манай баг MOUZ-д 2:0-ээр хожигдсон. Б.Усухбаяр (910) дахин 1.24 рейтинг үзүүлж өндөр түвшинд байсан ч багийн ялалтад хангалттай байсангүй. Ингэснээр манай залуус нэр хүндтэй тэмцээний 4-р байрт шалгарч, Румын улсын үзэгчдийн хүндэтгэлийг хүлээлээ.
PGL Cluj-Napoca 2026-ийн амжилт The MongolZ-д яагаад чухал вэ?
Энэхүү амжилтын ачаар манай баг Valve-ийн чансааны 9-р байрт бичигдэж, Astralis болон G2-оос илүү гараад байна. Ингэснээр тэд Кёльний Мэйжорын эрхээ бараг л халаасалсан гэсэн үг.
Мөн cobrazera дэлхийн шилдэг багуудын эсрэг тоглоход бэлэн болсноо баталж, манай мэргэн буудагч 910 HLTV-ээс тэмцээний EVP (Илүү үнэ цэнтэй тоглогч) шагналыг хүртлээ. Орчин цагийн CS2-т 1.20+ рейтинг хийж чадах AWP-тэй тоглогч байна гэдэг нь тухайн багийн амжилтын гол түлхүүр (meta) юм.
Одоо Tier-1 багууд түр амсхийж байгаа ч удахгүй ESL Pro League Season 23-аар эргэн ирнэ. Манай залуус уг тэмцээний Stage 2-оос тоглолтоо эхлүүлэх тул бүх сэтгэл зүрхээрээ дэмжицгээе!
