Vitality баг Intel Extreme Masters Kraków 2026 тэмцээний шийдвэрлэх тоглолтонд FURIA багийг 3:1 (Mirage 11:13, Inferno 13:8, Nuke 13:2, Overpass 13:10) харьцаагаар буулган авч, энэ оны анхны томоохон цомоо хүртлээ.
Энэхүү тоглолтын MVP (Хамгийн үнэ цэнэтэй тоглогч)-ээр Матье “ZywOo” Эрбо яах аргагүй тодорлоо. Тэрээр дөрвөн мапын турш гайхалтай тоглолтыг үзүүлж, FURIA-ийн эсрэг шийдвэрлэх үед 4k (дөрвөн дараалсан устгал) хийн багаа ялалтад хөтөлсөн юм.
Шагналын сангийн хуваарилалт
Тэмцээнд оролцсон 24 баг нийт 1 сая долларын шагналын санг хуваан авснаас эхний 8 байрт орсон багуудын шагналыг доор дурдав:
| Байр | Баг | Шагнал |
| 1-р байр | Vitality | $400,000 |
| 2-р байр | FURIA | $180,000 |
| 3-р байр | Team Spirit | $100,000 |
| 4-р байр | MOUZ | $60,000 |
| 5-6-р байр | Aurora Gaming, G2 Esports | $40,000 |
| 7-8-р байр | Astralis, Team Falcons | $24,000 |
Тэмцээний тухай товчхон
Intel Extreme Masters Kraków 2026 нь 1-р сарын 28-наас 2-р сарын 8-ны хооронд Польш улсын Краков хотын TAURON Arena-д LAN форматаар зохион байгуулагдлаа. Нийт 24 баг үндсэн 1,000,000 ам.доллар болон клубуудын дунд хуваарилагдсан 222,000 ам.долларын төлөө ширүүн өрсөлдсөн юм.
