Шведийн Counter-Strike 2-ын тоглогч, тайлбарлагч Тильде “7liciousCSGO” Бьстрём сендвич бэлдэж буй ажлынхаа зургийг нийтэлсний дараа сошиалд огцом алдаршлаа. Тэр зурагныхаа тайлбарт “Киберспортод 10 жил ажилласны эцэст би албан ёсоор сендвичний мастер боллоо” хэмээн хошигносон бөгөөд пост нь 300 мянга гаруй лайк, 20 саяаас дээш үзэлт авчээ.
Бьстрём сэтгэгдэлдээ энэ зураг нь эмэгтэй тоглогчдыг доромжилсон сексист хошигнолд өгсөн хариу төдийгүй CS2-ийн эмэгтэйчүүдийн сцэнийн бодит байдлыг харуулж байгаа гэж тайлбарлав. ESL Impact хаагдаж, хэд хэдэн эмэгтэй бүрэлдэхүүн тарсны дараа олон тоглогч мэргэжлийн тоглолтоо энгийн ажилтай хослуулах шаардлагатай болсон байна.
Тильде өмнө нь Evil Geniuses Gold болон Ghost Gaming багуудад тоглож байсан ч аль ч клуб түүнд бүрэн цалинтай гэрээ санал болгодоггүй байжээ. Түүний мөрөөдөл бол Counter-Strike-д эрэгтэй, эмэгтэй тоглогчид хамтран тоглодог холимог бүрэлдэхүүнүүд бий болох явдал юм.
