Valve компанийн үүсгэн байгуулагч, захирал Гейб Ньюэлл The International 2025-ийн плей-оффын өмнө Dota 2-ийн фанатуудад хандан мэндчилгээ дэвшүүллээ.
Тэрээр анхны The International-ийг дурсан ярив. Тухайн тэмцээн 14 жилийн өмнө Германы Кёльн хотод болж байсан бөгөөд тоглогчдын ур чадвар, фанатуудын урам зориг нь түүнийг гайхшруулсан тухайгаа хуваалцав.
“Сайн байна уу, би Гейб Ньюэлл байна. 14 жилийн өмнө бид анхны The International-ийг Германы Кёльнд зохион байгуулсан. Миний хувьд энэ тэмцээн үнэхээр гайхамшигтай байсан — тоглогчдын чадвар, коммьюнити-ийн урам зоригийг харахад үнэхээр итгэмээргүй байлаа” гэж Ньюэлл хэлэв.
Өдөр бүр тоглодог
Мөн тэрээр өнөөдөр ч Dota 2-г өдөр бүр тоглодог гэдгээ нууцаар дэлгэлээ. Зарим нэг сөрөг сэтгэгдэл ханддаг ч түүнийг үргэлжлүүлэн тоглох, урам авахад коммьюнити-гийн хүсэл тэмүүлэл нь гол хүч болдог аж.
The International 2025 Германд болж байгаа бөгөөд шагналын сан нь 2,5 сая ам.доллараас эхэлсэн. Энэхүү хэмжээ нь оролцогчид, комментаторуудын тусгай дотоод контентыг худалдах замаар өссөөр байна.
