Токио хотын Хөдөө аж ахуйн ахлах сургууль “Farming Simulator 25” тоглоомд суурилсан тусгай сургалтын хөтөлбөр хэрэгжүүлж эхэлжээ.
Сургуулийн зүгээс уг тоглоомыг оюутнуудад санхүүгийн ямар нэгэн эрсдэл хүлээхгүйгээр, мөн үнэтэй техник хэрэгсэл эвдэх аюулгүйгээр бодит фермийн нөхцөл байдлыг дуурайлган туршиж, шийдвэр гаргах чадварт суралцуулдаг “дижитал симулятор” хэмээн тодорхойлж байна.
Оюутнууд тариалалт болон ургац хураалтын янз бүрийн стратеги туршиж үзэхийн зэрэгцээ Япон улсад тулгамдаж буй ажиллах хүчний хомсдол, уур амьсгалын өөрчлөлт, хөдөө аж ахуйн салбарын орлого буурах зэрэг бодит сорилтуудад шийдэл хайж байгаа юм.
Токио шиг хотын суурьшилтай газрын хөдөө аж ахуйн сургуулиудын хувьд бодит том оврын техник хэрэгсэл ашиглах боломж хязгаарлагдмал байдаг тул уг тоглоом нь практик дадлага хийх хамгийн тохиромжтой хувилбар болж байна.
