MOUZ багийн мэргэжлийн тоглогч Дориан “xertioN” Берман HLTV порталаас тодруулдаг 2025 оны дэлхийн шилдэг тоглогчдын жагсаалтын 16-р байрт бичигдлээ.
Кибер спортчин залуу 2025 оны турш дунджаар 1.09 чансаатай (rating) тоглосноор энэхүү нэр хүндтэй жагсаалтад багтсан байна. Тэрээр 2025 онд тэмцээний шилдэг тоглогчийн (MVP) шагнал хүртээгүй ч, “PGL Cluj-Napoca”, “BLAST Bounty Season 2” болон “IEM Chengdu” зэрэг тэмцээнүүдэд үзүүлсэн амжилтаараа нийт дөрвөн удаа EVP (Онцгой үнэ цэнтэй тоглогч) шагналыг хүртжээ.
Багийн амжилт:
XertioN-ий хувьд 2025 он MOUZ багийн хамтаар амжилт дүүрэн жил байлаа:
- Түрүү: PGL Cluj-Napoca тэмцээнд аваргалсан.
- Шөвгийн тоглолт: Томоохон тэмцээнүүдийн финалд 4 удаа шалгарсан.
- Хүрэл медаль: Нийт 6 удаа тэмцээнийг гуравдугаар байрт дуусгажээ.
Жил бүр уламжлал болгон гаргадаг HLTV-ийн чансаа нь кибер спортын салбарын хамгийн чухал үйл явдлуудын нэг бөгөөд тоглогчдын хувийн ур чадвар, багийн амжилтад үндэслэн эрэмбэлдэг билээ.
