Counter-Strike 2 төрлийн BLAST Open Lisbon 2025 тэмцээний хэсгийн шатны доод шатны тоглолтод Монголын TheMongolZ баг хүчтэй тоглолтоор Team Liquid-ийг 2:0 харьцаагаар буулган авлаа.
Тоглолт хоёр газрын зураг дээр явагдсан бөгөөд TheMongolZ Anubis дээр 13:7, Ancient дээр 13:8 гэсэн оноогоор ялалт байгуулсан юм. Европ тивийг төлөөлж буй Team Liquid баг эхний шатанд гараагаа амжилттай эхлүүлж чадаагүй бөгөөд сүүлд онооны зөрүүг ойртуулсан ч TheMongolZ-ийн тоглолтод гүйцэгдэх боломж олдсонгүй.
Энэ ялалтын ачаар TheMongolZ баг В хэсгийн доод шатны шигшээ тоглолтод шалгарч, 3-р сарын 24-ний 20:30 цагт (Москвагийн цагаар) плей-оффын эрхийн төлөө тулах юм. Тэдний өрсөлдөгч G2 Esports болон M80 багуудын тоглолтоос тодорно.
Team Liquid баг энэхүү тэмцээнээс хасагдсан бөгөөд тэднээс өмнө FaZe Clan, Team Falcons, The Huns Esports, Astralis, Imperial Esports болон FURIA Esports багууд ч мөн тэмцээнээ өндөрлүүлээд байсан юм.
BLAST Open Lisbon 2025 тэмцээн энэ сарын 19-нөөс 30-ны хооронд LAN форматаар явагдаж буй бөгөөд нийт 400 мянган ам.долларын шагналын сантай.
