БНХАУ-ын Шанхай хотноо өнөөдрөөс эхэлж буй “CS Asia Championships 2025” тэмцээнд Монголын шилдэг багуудын нэг болох “The Huns Esports” оролцож байна. Энэхүү тэмцээн таван өдрийн турш үргэлжлэх бөгөөд бүс нутгийн болон дэлхийн шилдэг 15 баг 400,000 ам.долларын шагналын сангийн төлөө өрсөлдөнө.
“The Huns Esports” багийн анхны тоглолт
Монголын төлөөлөл болсон “The Huns Esports” баг энэ удаагийн тэмцээний А хэсэгт багтжээ. Тэд Францын “3DMAX” багтай өнөөдөр 11:00 цагаас BO1 буюу нэг тоглолтоор шийдвэрлэх зарчмаар хүч үзэх гэж байна.
Тэмцээний нээлтийн шатны бүх тоглолтууд BO1 форматаар явагдах бол дараагийн шатны тоглолтууд BO3, харин гранд финалын тоглолт BO5 зарчмаар явагдаж аваргаа тодруулна.
Товч мэдээлэл
- Тэмцээний нэр: CS Asia Championships 2025
- Байршил: Шанхай, БНХАУ
- Оролцогч багууд: 15
- Нийт шагналын сан: $400,000
- Монголын төлөөлөл: The Huns Esports
- Эхний өрсөлдөгч: 3DMAX (Франц)
Монголын “The Huns Esports” багийн тоглолт esports сонирхогчдын анхаарлын төвд байгаа бөгөөд тэдний эхний тоглолтын үр дүнг олон улсын хэвлэл мэдээллүүд онцолж байна.
