10
Counter-Strike 2 (CS2) тоглоомын Азийн аварга шалгаруулах “eXTREMESLAND 2025” тэмцээн 2025 оны 12-р сарын 18-21-нд Хятадын Шанхай хотод болно.
Тэмцээний шалгаруулалт
150,000 ам.долларын шагналын сантай уг тэмцээнд Монгол Улсыг төлөөлөх багийг сонгох шалгаруулалт өчигдөр болж, “The Huns Esports” баг ялалт байгууллаа.
Тэд финалд 2025 оны 6-р сард дэлхийн аварга шалгаруулах тэмцээнд оролцсон “Chinggis Warriors“-тай Bo3 (гурван картын оноогоор ялагчийг тодруулах) форматаар өрсөлдөж, 2:1-ээр хожив.
Финалын тоглоомын тойм
- Inferno (The Huns-ийн сонголт): “The Huns Esports” 7:13-аар хожигдсон.
- Overpass (Chinggis Warriors-ийн сонголт): “The Huns Esports” 13:7-оор ялсан.
- Nuke (шийдвэрлэх карт): “The Huns Esports” 13:9-ээр ялалт байгуулсан.
Ийнхүү “The Huns Esports” баг eXTREMESLAND 2025-д Монголыг төлөөлөн оролцох эрхээ авлаа.
Багийн бүрэлдэхүүн
“The Huns Esports”-ийн бүрэлдэхүүнд дараах тоглогчид багтжээ:
- nin9 (Г.Есөнтөмөр)
- Bart4k (Б.Баатархүү)
- cobrazera (У.Анарбилэг)
- xerolte (Э.Мөнхтогтох)
- sk0R (Б.Тэнгис)
Өмнөх амжилт
“eXTREMESLAND 2023” тэмцээнд Монголын “The MongolZ” баг түрүүлж, 25,000 ам.долларын шагнал хүртсэн билээ.
