35
Bandai Namco компани Tekken 8 тоглоомын гуравдугаар улирлын трэйлерийг цацаж, цаашдын хөгжүүлэлтийн төлөвлөгөөгөө танилцууллаа. Шинэ улирал 2026 оны 2-р сард эхэлж, 2027 оны өвөл хүртэл үргэлжлэх ажээ.
Гуравдугаар улирлын замын зураглалын гол үе шатууд:
- 2-р сарын 10: “Улирлын эрх” (Season 3 Pass) худалдаанд гарна.
- 2-р сарын 10-наас 3-р сарын 16: Тоглоомын хоёр жилийн ойн аян явагдах бөгөөд үүнд үнэгүй гоёл чимэглэлийн зүйлс болон TEKKEN SHOP-ын томоохон хямдрал багтана.
- 3-р сарын 17: Тоглоомын 3.00 хувилбарын томоохон шинэчлэлт хийгдэж, тулааны тэнцвэржүүлэлт, зэрэглэл шинэчлэлт болон “TEKKEN Dev Feedback Portal” бета хувилбар нээгдэнэ.
- 5-р сарын 1: 2026 оны албан ёсны тэмцээний улирал эхэлж, “EVO Japan 2026” тэмцээнээр гараагаа эхэлнэ.
Шинэ улирлын турш тоглоомд нэмэгдэх дүрүүд:
- Хаврын сүүл: Кунимицу (Kunimitsu).
- Зун: Боб (Bob).
- Намар: Бага Рожер (Roger Jr.).
- 2027 оны өвөл: Дахин нэг шинэ дүр болон шинэ тулааны талбар нэмэгдэхээр төлөвлөгдсөн байна.
“Season 3 Pass” эзэмшигчид шинэ дүрүүдийг бусад тоглогчдоос 120 цагийн өмнө турших боломжтой бөгөөд “Aurora Outfit Pack” хэмээх онцгой гоёлын багцыг шууд хүлээн авах юм.
