Valve компани Steam-ийн улирлын хямдралын хуваарийг дахин хянаж, энэ жил “Хар Баасан гараг”-т зориулсан бие даасан хямдлалыг явуулахгүй байхаар шийджээ. Урьд нь 11-р сарын сүүлээр тохиодог өргөн хүрээтэй намрын хямдлалын оронд төрөл жанраар ангилсан онцгой санал, багцууд хэрэглэгчдэд хүргэгдэх болно.
Valve-ийн мэдэгдсэнээр, 11-р сарын 24-нөөс 12-р сарын 1-ний хооронд дэлгүүрт “Хар Баасан гараг”-ийн хэв маягаар хийгдсэн хязгаарлагдмал хугацаатай акцууд явагдана. Гэхдээ энэ нь уламжлалт өргөн цар хүрээтэй хямдрал биш бөгөөд хөгжүүлэгчдийг өргөнөөр оролцуулахгүй. Тоглоомын хямдрал үргэлжилнэ, гэхдээ зөвхөн одоо байгаа саналуудаа шинэчилж хүргэнэ.
Харин намрын улиралд болдог хямдралыг урагшлуулж, 9-р сарын 29-нөөс 10-р сарын 6-ны хооронд зохион байгуулахаар болжээ. Valve энэ өөрчлөлт нь Steam дэх хэрэглэгчдийн идэвхийг тэнцвэртэй хуваарилахад тусална гэж үзэж байна. Мөн хөгжүүлэгч студиудын Steam Awards-д оролцох, эсвэл “Хар Баасан гараг”-ийн үеийн ачаалалд дарагдахгүй байх нөхцөлийг бүрдүүлнэ.
