20
BioShock цувралын шинэ анги болох BioShock 4 нь тоглоомын ертөнцийн хамгийн нууцлаг төслүүдийн нэг хэвээр байна. Хөгжүүлэлтийн явцад багагүй саад бэрхшээл тулгарч байгаа ч Take-Two компани “уг тоглоом нь домогт цувралын зохих үргэлжлэл байх болно” гэж амласаар байгаа юм.
Саяхан MP1st портал тоглоомын үйл явдал, орчин болон дүрүүдийн талаарх зарим онцгой мэдээллийг дэлгэжээ.
Тоглоомын орчин ба үйл явдал:
Инсайдеруудын мэдээлснээр BioShock 4-ийн үйл явдал 1960-аад оны өөр нэгэн хувилбарт Антарктид тивд өрнөх аж.
- Борей (Borealis): Тоглоомын үндсэн байршил болох засаглалын дор байх шинэ хот.
- Солария (Solaria/Solaris): Үйл явдалд чухал үүрэг гүйцэтгэх дүүрэг эсвэл бүлэглэл бөгөөд “онцгой эрх мэдэлтнүүд” энд төвлөрөх аж.
- Казино: Тоглоомын явцад нэгэн хүчирхэг “босс”-той тулалдах гол байршлуудын нэгээр нэрлэгдэж байна.
- АДАМ (ADAM): Цувралын өмнөх ангиудад гардаг үүдэл эс дээр суурилсан, хүнд супер хүч өгдөг боловч донтуулдаг бодис эргэн ирж байна.
Хөгжүүлэлтийн явц:
BioShock 4-ийн хөгжүүлэлт 2018 оноос эхэлсэн ч 2025 онд төслийг дахин шинээр эхлүүлэх (reboot) шийдвэр гаргажээ.
- Шинэ удирдлага: 2025 оны 8 дугаар сард Cloud Chamber студийг Род Фергюссон (Diablo болон Gears of War цувралын удирдагч асан) тэргүүлэхээр болсон. Тэрээр асуудалтай төслүүдийг амжилттай дуусгаж, зах зээлд гаргадаг “аврагч” гэдгээрээ алдартай.
- Гарах хугацаа: Тоглоомыг шинэчлэн боловсруулж байгаа тул 2027 оноос нааш гарах магадлал бага байна.
