“Resident Evil” цувралын гол дүр Леон С. Кеннедигийн цуглуулгын баримал үйлдвэрлэгчийн сонгосон хувцаслалтаас болоод интернэт орчинд “вирал” болоод байна.
Одоогоор урьдчилсан захиалга нь эхлээд буй уг цуглуулгад Леоныг сандал дээр хүлээстэй байгаагаар дүрсэлсэн хэд хэдэн хувилбар багтжээ. Тухайлбал, түүний тоглоом дээрх уламжлалт хувцаслалттай болон зөвхөн усны хувцастай хувилбарууд байгаа аж.
Бүтээгдэхүүний тайлбарт дурдсанаар, баримлууд 1/4 болон 1/6 хэмжээтэйгээр гарч байгаа бөгөөд үнэ нь хувилбараасаа хамаарч 46-аас 370 ам.долларын хооронд хэлбэлзэж байна.
Одоогоор эдгээр цуглуулгын зүйлс нь “Capcom” компанийн албан ёсны лицензтэй эсэх нь тодорхойгүй байна. Сайтын тайлбар хэсэгт цувралыг бүтээгчдийн талаар ямар нэгэн тэмдэглэгээ байхгүй, сурталчилгааны материалууд дээр компанийн лого харагдахгүй байгаа нь албан ёсны зөвшөөрөлгүй байх магадлалыг илтгэж байгаа юм.
2 comments
Леоны баримал үнэхээр гоё болсон байна
Фэнүүдэд бол жинхэнэ бэлэг л дээ