Хойд Америкийн бүсэд зохион байгуулагдсан “PGL Astana“-гийн хаалттай урьдчилсан шатны финалын (BO5) үеэр нэгэн хачирхалтай хэрэг гарчээ. Техникийн асуудлаас болж тоглолтыг түр зогсоосон боловч саатлын жинхэнэ шалтгаан нь… зохион байгуулагч (администратор) унтчихсанд байв.
Юу болов?
Хоёр дахь үе эхлэхийн өмнө “cryptic” хэмээх тоглогчийн холболтод ноцтой асуудал гарч, сервер түүнийг тоглоомоос байнга “шидэж” эхэлжээ. Хоёр багийн тоглогчид серверээ солихоор хурдан тохиролцсон бөгөөд одоо зөвхөн зохион байгуулагчийг хүлээх л үлдсэн байв. Гэвч яг энд гол асуудал үүсэж, администратор огт хариу өгсөнгүй.
Тоглогчдын хариу үйлдэл
Техникийн болон стратегийн бүх зогсолтоо (timeout) ашиглаж дууссан багуудад хүлээхээс өөр арга байсангүй. Цаг нөхцөөхийн тулд тоглогчид газрын зураг дээгүүр хутгатайгаа гүйлдэж, идэвхтэй байхыг хичээж байлаа. Энэхүү тодорхойгүй зогсолт ойролцоогоор 30 минут үргэлжилсэн байна.
Төгсгөл
Эцэст нь администратор сэрж, серверийг сольсноор тоглолт ямар нэгэн асуудалгүй үргэлжилжээ. 1.6 сая ам.долларын шагналын сантай том тэмцээний эрхийн төлөөх чухал тоглолт ийм энгийн “хүний хүчин зүйлээс” болж саатсан нь маш хачирхалтай хэрэг болов. Энэхүү явдал кибер спортын өндөр түвшний тэмцээнүүдийн зохион байгуулалт, хариуцлагын асуудлыг дахин хөндөж байна.
