2025 оны есдүгээр сард League of Legends-ийн эмэгтэйчүүд болон бусад гадуурхагдсан хүйсүүдэд зориулагдсан анхны Game Changers Rising улирал албан ёсоор эхлэх гэж байна. Riot Games-ийн санаачилсан энэхүү тэмцээн нь хүйсийн тэгш байдлыг eспортын орчинд дэмжих зорилготой.
2022 оноос хойш эмэгтэйчүүдийн League of Legends тэмцээнд оролцож ирсэн G2 Hel баг, Equal eSports Cup тэмцээний амжилтын ачаар энэхүү шинэ лигийн эхний улиралд оролцох эрхээ хэдийнэ авчээ.
Түүхэн үйл явдлын өмнөхөн буюу есдүгээр сарын 13-нд эхлэх Game Changers Rising тэмцээний өмнө Esports Insider сайтад G2 Hel багийн тоглогч Maya ‘Caltys’ Henckel ярилцлага өгч, эмэгтэй eспортын өнөөгийн байдал болон багийн амжилтын талаар хуваалцсан юм.
G2 Hel багийн тэргүүлэгч тоглогчдын нэг
Caltys нь G2 Hel багийн гол тоглогчдын нэг бөгөөд багийн дэмжигч Ève ‘Colomblbl’ Monvoisin-тэй хамт хамгийн удаан хугацаанд багт тоглож буй гишүүдийн нэг юм. Тус баг нь байгуулагдсан цагаасаа хойш эмэгтэйчүүдийн League of Legends-ийн eспортын салбарт амжилттай оролцож, Equal eSports Cup-д тогтмол өндөр байранд шалгарч, өнгөрсөн жилийн Coupe des Étoiles-ийн аварга болж байв.
Caltys өөрөө 2019 оноос eспортод оролцож эхэлсэн бөгөөд Европын Out of the Blue Team-аас карьераа эхлүүлсэн. 2022 оны эхээр тэрээр богино хугацаанд холимог бүрэлдэхүүнтэй Valiance багт тоглож байжээ.
G2 Hel түүх бүтээлээ
Game Changers Rising тэмцээн эмэгтэй eспортод томоохон ахиц авчирч байгаа ч G2 Hel баг 2025 онд аль хэдийнэ түүхэн амжилтад хүрээд амжсан. Тус баг 5-р сарын 6-нд Liga Nexo-д шалгарсан анхны эмэгтэй бүрэлдэхүүнтэй баг болж, Европын бүсийн хоёрдугаар түвшний тэмцээнд оролцсон юм.
Бүлгийн шатанд амжилттай тоглосны дараа баг итгэлтэй байсан ч, хасагдах шатны эхний тоглолтод Falke Esports багт ялагджээ.
Caltys энэхүү шинэ лигт оролцсон туршлагаа ийн хуваалцсан:
“Би өмнө нь Испанийн тэмцээнд оролцож байгаагүй тул лигийн түвшнийг сайн мэдэхгүй байсан. Гэхдээ тоглолтод орохоосоо өмнө ялагдана гэж төсөөлөх нь тоглолтод сөргөөр нөлөөлнө гэж боддог.
Тиймээс би үргэлж ‘энэ тоглолт бол ялах боломжтой’ гэдэг хандлагатай оролцдог. Энэ хандлага маань бүх улирал даяар надад тус болсон.”
Тэрээр мөн “Бүх тоглолтууд ялах боломжтой санагдсан, ялагдашгүй баг гэж байгаагүй” хэмээн нэмэгдүүлжээ.
Хувь хүний амжилт, салбарын нөлөө
G2 Hel багийн амжилт eспорт дахь оролцоонд ямар нөлөө үзүүлэхийг тодорхой хэлэхэд хэцүү ч, Caltys залуу тоглогчдод урам зориг болох магадлалтай гэж үзэж байна.
“Одоо хэтийн хүрээнд энэ нь үнэхээр их зүйл өөрчлөх эсэхийг хэлэхэд хэцүү. Хүмүүс аливаа зүйлийг амархан тоохгүй өнгөрөөдөг.
Гэхдээ би бодохдоо өөрчлөлтүүдийг залуу үеийнхэн авч ирнэ. Тийм л зүйл хамгийн чухал.”
Эмэгтэйчүүдийн болон холимог тэмцээний тухай байр суурь
Caltys карьераа эхлүүлж байх үед хүйсийн ялгаа гэхээсээ илүүтэй тоглоомдоо төвлөрдөг байсан гэдгээ хуваалцсан.
“Карьераа эхлүүлж байх үед хүйсийн тухай биш, зүгээр л тоглолтондоо анхаардаг байсан.
Гэвч тоглох тусам, хүн бүр ижил бодолтой биш гэдгийг ойлгоод ирэхээр эмэгтэйчүүдэд зориулсан тэмцээн зайлшгүй хэрэгтэй юм байна гэдгийг ойлгосон.”
Тэрээр ирээдүйд эмэгтэй тоглогчид холимог орчинд орох гүүр болгоно гэж найдаж буйгаа илэрхийлсэн. Гэхдээ одоогоор ийм тохиолдлууд тун ховор бөгөөд ихэнхдээ онцгой нөхцөлтэй байдгийг хэлжээ.
Түүнчлэн холимог бүрэлдэхүүнд анхлан нэвтрэх нь маш их дарамт авчирч болзошгүйг онцолсон. Учир нь ийм тоглогчид eспортын олон нийтийн хяналт, шүүмжлэлд өртөх хандлагатай бөгөөд тэдний гүйцэтгэл бүхэл бүтэн бүлгийн чадварыг төлөөлөх мэт буруу ойлголт үүсэх эрсдэлтэй аж.
Game Changers Rising ойртсоор
Liga Nexo-д оролцсон аяллаа дуусгасны дараа G2 Hel баг 9-р сарын 13-наас 10-р сарын 30-ны хооронд үргэлжлэх Game Changers Rising тэмцээнд бэлдэж байна. Уг тэмцээнд 8 баг бүлгийн шат болон хасагдах шатанд өрсөлдөнө.
Одоогоор G2 Hel болон Solary Académie багууд оролцох эрхээ аваад байгаа бол үлдсэн 6 багийн оролцоог уригдсан багууд, нээлттэй урьдчилсан шат болон Equal eSports Cup-ын эцсийн үр дүнгээр тодруулах юм.
Riot-ийн энэхүү санаачилга нь 2021 онд эхлүүлсэн VALORANT Game Changers системийг санагдуулах бөгөөд энэ нь эмэгтэй eспортын өрсөлдөх орчныг дэлхий дахинд бий болгох зорилготой. 2024 оны аваргын үеэр 464,695 оргил үзэгчтэйгээр тус тэмцээн эмэгтэй eспортын хоёр дахь хамгийн олон үзэгчтэй тэмцээн болж байв.
