NASCAR болон зугаа цэнгэлийн компани Night хамтран NASCAR 25 Creator Series нэртэй виртуал уралдааны шинэ төслийг зарлалаа. Энэхүү тэмцээнд найман алдарт стример оролцож, 100 мянган ам.долларын шагналын сангийн төлөө өрсөлдөнө.
Оролцогчдын бүрэлдэхүүнд TimTheTatman, CouRageJD, YourRAGE, Emiru, ExtraEmily, Agent00, RayAsianBoy болон StableRonaldo багтжээ. Тэмцээн 2025 оны 10-р сарын 29-нд эхэлж, iRacing Studios-ийн бүтээсэн NASCAR 25 тоглоом дээр үндэслэн явагдана. Уралдаанууд 2025 оны аравдугаар сараас 2026 оны хоёрдугаар сар хүртэлх хугацаанд болох дөрвөн хэсгээс бүрдэнэ.
NASCAR-ийн интерактив болон шинэ платформын дэд ерөнхийлөгч Ник Рэнд тэмцээний зорилгыг тайлбарлахдаа:
“NASCAR 25 Creator Series нь онлайн орчинд аль хэдийн танигдсан контент бүтээгчдийн дуу хоолойгоор дамжуулан дараагийн үеийн фенүүдийг автомотоспорттой холбох зорилготой. Бид хамгийн шилдэг тоглоомын стримерүүдийг NASCAR-ийн өндөр хурдны ертөнцтэй нэгтгэж, автомотоспортын салбарт урьд өмнө байгаагүй шинэ төрлийн зугаа цэнгэлийг бий болгож байна,” гэжээ.
