Counter-Strike-ийн хамгийн нэр хүндтэй Мэйжор тэмцээнүүдийн “Швейцарь систем” (Swiss System) дэх BO1 (нэг мапаар шийдэгдэх) форматын талаарх маргаан олон жилийн турш үргэлжилсэн билээ. Энэхүү форматын гол сул тал нь багуудын бодит чансааг харуулж чаддаггүй бөгөөд нэг мап дээр фаворит баг аутсайдерт санамсаргүй байдлаар хожигдох эрсдэл өндөр байдагт оршино.
Жишээ нь, 2025 оны Остин Мэйжорын Stage 3 шатны эхний тоглолтод Vitality баг Legacy-д хожигдож шуугиан тарьж байсан ч, эцэст нь Vitality тус тэмцээнд түрүүлж өөрсдийн давамгайллаа баталсан байдаг.
Яагаад BO3 формат илүү оновчтой вэ?
Мэргэжилтнүүд болон тоглогчдын үзэж буйгаар BO3 (гурван мапнаас хоёр хожил авах) формат нь дараах давуу талтай:
- Мап пул (Map pool): Багууд өөрсдийн бэлдсэн олон төрлийн мап дээр ур чадвараа харуулах боломжтой.
- Санамсаргүй байдлыг бууруулах: Аутсайдер баг нэг мап дээр гэнэтийн бэлэг барьж болох ч, цуврал тоглолтын турш тогтвортой байх нь хэцүү байдаг.
- Шударга өрсөлдөөн: Плей-оффын өмнөх шийдвэрлэх шатанд зөвхөн хамгийн шилдэг багууд шалгарах нөхцөлийг бүрдүүлнэ.
IEM Cologne Major 2026-ийн шинэ шийдвэр
Өнөөдөр зохион байгуулагчдын зүгээс IEM Cologne Major 2026 тэмцээний форматад өөрчлөлт оруулснаа зарлалаа.
- Stage 1 ба Stage 2: Эхний хоёр шатанд BO1 тоглолтууд хэвээр үлдэнэ.
- Stage 3: Плей-оффын өмнөх хамгийн хариуцлагатай энэ шатанд BO1 тоглолтыг бүрэн хасч, бүх тоглолтыг BO3 форматаар явуулахаар боллоо.
Энэхүү шийдвэр нь тэмцээний чанар чансааг нэмэгдүүлж, үзэгчдэд илүү сонирхолтой, шударга өрсөлдөөнийг үзүүлэхэд чиглэгдэж байна.
