Epic Games компани Fortnite тоглоомын тэмцээнүүдийн үеэр хакеруудын зүгээс учруулж буй саад бэрхшээлийг арилгах, шударга өрсөлдөөнийг хангах үүднээс хяналтын арга хэмжээгээ чангатгаж эхэллээ.
2-р сарын 19-нөөс эхлэн компьютер (PC) дээр тоглож буй бүх тоглогчид Secure Boot, TPM болон IOMMU гэсэн системүүдийг заавал идэвхжүүлсэн байх шаардлагатай. Эдгээр аюулгүй байдлын тохиргоо нь Battle Royale төрлийн тэмцээнүүдэд оролцогч бүрийн хувьд ижил тэгш нөхцөлийг бүрдүүлэх зорилготой юм.
Epic Games нь Activision зэрэг бусад томоохон компаниудын жишгийг дагаж, кибер спортын салбар дахь хууран мэхлэлт буюу “cheat”-ийн эсрэг тэмцлээ ийнхүү өргөжүүлж байна.
Хууран мэхлэгчдэд өгөх сануулга Тус компани тэмцээний дүрэм зөрчигчидтэй хатуу тэмцсээр байгаа бөгөөд үүний нэг жишээ нь 2025 оны 2-р сард “Fortnite Championship Series (FNCS) 2023” тэмцээний үеэр хууран мэхэлсэн нь тогтоогдсон Морган “RepulseGod” Бемфордыг тэмцээн уралдаанд оролцох эрхийг нь бүрмөсөн хассан (ban) явдал юм. Энэхүү шинэ технологийн шаардлага нь ирээдүйд ийм төрлийн зөрчил гарах магадлалыг эрс бууруулах ач холбогдолтой.
