Fortnite дахин iOS хэрэглэгчдэд нээлттэй боллоо — АНУ-ын App Store-д буцаж ирлээ

Бараг жилийн завсарлагааны дараа Fortnite тоглоом 2025 оны тавдугаар сарын 21-ний шөнө Америкийн App Store-д дахин гарч ирлээ. Энэ нь шүүхээс Apple компанид тоглоомыг яагаад хүлээж аваагүй талаар албан ёсны тайлбар шаардсан шийдвэрийн дараа болсон үйл явдал юм.

Apple байр сууриа өөрчиллөө

Epic Games компанийн гүйцэтгэх захирал Тим Суини өмнө нь “Apple Fortnite-ийг App Store-д буцааж нэвтрүүлэх хүсэлтийг хүлээн аваагүй төдийгүй, шүүхийн шийдвэрийг эсэргүүцэх апелляц амжилттай болно гэж найдан зүгээр л хойшлуулсаар байсан” хэмээн мэдэгдэж байв.

Гэвч одоо Apple позицио өөрчилж, тоглоомыг App Store-д оруулахыг зөвшөөрсөн байна.

Шүүхийн шийдвэр Epic-д давуу байдал авчирлаа

Сүүлийн жилүүдэд Epic Games болон Apple-ийн хооронд өрнөж буй маргаан нь 2020 оноос хойш олон нийтийн анхаарлын төвд байсаар ирсэн.

Хамгийн сүүлд АНУ-ын шүүх Apple-д дараах хориг тавьсан:

• Хэрэглэгчдэд App Store-с гадна альтернатив төлбөрийн системүүд-ийн талаар мэдээлэл авахад саад хийхийг хориглосон.
• App Store-оос гадна хийгдсэн худалдан авалт бүрт шимтгэл авахыг хориглосон.

Эдгээр нь хэрэглэгчид болон хөгжүүлэгчдэд шинэ боломжууд нээгдэж, Apple-ийн ноёрхлыг хязгаарлах анхны алхам болсон.

Fortnite — дэлхий дахинд танигдсан тоглоом

Fortnite бол Epic Games компанийн 2017 онд гаргасан онлайн тоглоом бөгөөд дараах 3 төрлийн горимтой:

1. Fortnite: Save the World — нээлттэй ертөнцтэй, хамтарсан амьд үлдэх горим
2. Fortnite: Battle Royale — 100 тоглогч хоорондоо өрсөлдөн хамгийн сүүлд үлдэгч ялдаг тоглоом
3. Fortnite: Creative — өөрийн ертөнц, бүтээлүүдийг загварчлан бүтээх боломжтой бүтээлч горим

Fortnite-ийн iOS хувилбар App Store-д дахин гарч ирснээр АНУ-ын олон сая хэрэглэгч дахин тоглох боломжтой болж байгаа юм.

Apple — технологийн аварга

Fortnite-ийн эргэн ирэлтийн ард Apple компанийн монополь, хатуу бодлоготой холбоотой шүүмжлэлүүд байсаар ирсэн. Энэхүү маргаан нь Apple-ын App Store дахь хяналтын механизмыг сулруулах үндэс суурийг тавьж магадгүй гэж шинжээчид үзэж байна.