30
M7 World Championship-ийн гранд-финалын өмнөхөн Moonton студийн төлөөлөгчид Esports Nations Cup 2026 (ENC 2026) тэмцээний хүрээнд Mobile Legends: Bang Bang (MLBB) төрлөөр үндэсний шигшээ багуудын дунд аварга шалгаруулах тэмцээн зохион байгуулахаа зарлалаа. Энэ нь ENC 2026-ийн албан ёсоор батлагдсан анхны төрөл юм.
Тэмцээний тов ба зохион байгуулалт
Үндэсний шигшээ багуудын анхны томоохон тулаан 11-р сарын 23-наас 29-ний хооронд Саудын Арабын Рияд хотод болох бөгөөд нийт 32 баг оролцоно.
Тэмцээн хоёр үе шаттай явагдана:
- Хэсгийн шат: 32 баг тус бүр найман багтай дөрвөн хэсэгт хуваагдана. Тоглолтууд “round-robin” системээр, хоёр тоглолтын (Bo2) форматаар явагдах бөгөөд хэсэг бүрээс шилдэг дөрвөн баг дараагийн шатанд шалгарна.
- Плей-офф: Шалгарсан 16 баг “single-elimination” (хасагдах шат) системээр өрсөлдөнө. Шигшээ тоглолт хүртэлх бүх тулаан гурван хожил (Bo5), харин гранд-финал дөрвөн хожил (Bo7) автал үргэлжилнэ.
Сонгон шалгаруулалт ба Чансааны систем
Нийт оролцох 32 багийн хуваарилалт дараах байдалтай байна:
- Шууд урилга (16 баг): Шинээр үүсгэсэн MLBB Nation Ranking систем дээр үндэслэн шилдэг 16 улсыг урина. Энэхүү чансааг гаргахдаа тухайн улсын шилдэг 5 тоглогчийн олон улсын болон бүс нутгийн тэмцээнүүдэд үзүүлсэн амжилтын оноог нэгтгэж тооцно. Чансааг 2026 оны 8-р сарын 2-ны байдлаар эцэслэх юм.
- Сонгон шалгаруулалт (14 баг): 8-р сарын 14-нөөс 16-ны хооронд болох бүс нутгийн тэмцээнүүдээс шалгарна.
- Wildcard (2 баг): Хоёр баг тусгай урилгаар оролцох эрх авна.
Бүс нутгийн квот (Сонгон шалгаруулалт):
- Хойд Америк: 1 слот
- Өмнөд Америк: 1 слот
- Ойрхи Дорнод ба Хойд Африк (MENA): 2 слот
- Баруун Европ: 2 слот
- Зүүн Европ ба Төв Ази: 2 слот
- Зүүн Ази: 2 слот
- Өмнөд Ази: 1 слот
- Зүүн Өмнөд Ази ба Далайн орнууд: 2 слот
- Африк: 1 слот
