ESIC “Eternal Fire” багийн мэргэн бууч Woro2k-г бандуулсан гэх цуу яриа тархав

“Eternal Fire” багийн мэргэн бууч (sniper) Владимир “Woro2k” Велетнюкийг ESIC (Esports Integrity Commission — Кибер спортын шударга байдлыг зохицуулах комисс) бандуулсан гэх батлагдаагүй мэдээлэл гараад байна.

Энэ тухай “pho3nix home” телеграм суваг анхлан мэдээлсэн ч хориг тавьсан шалтгаан болон хугацааны талаарх дэлгэрэнгүй мэдээлэл гараагүй байна. Одоогоор ESIC болон “Eternal Fire” багийн зүгээс албан ёсны тайлбар өгөөгүй байна.

Одоогоор мэдэгдээд буй зүйлс

Эх сурвалжийн мэдээлэл хомс байгаа ч энэ асуудлаар “ямар нэгэн мэдээлэл” байгаа гэдгийг баталжээ. Кибер спортын хүрээнийхний ажигласнаар, Woro2k энэ мэдээлэл гарахтай зэрэгцэн өөрийн телеграм сувгаа устгасан байна. Хэдийгээр энэ нь бандуулсантай холбоотой эсэх нь тодорхойгүй байгаа ч “Eternal Fire” баг түүний оронд Адэлин “adeX” Никуг туршилтаар уриад байгаа гэх цуу яриа гараад байна.

Woro2k гэж хэн бэ?

Украины мэргэн бууч тэрээр “Monte” багт байхдаа Counter-Strike 2-ын ертөнцөд танигдсан юм. Түүний олон улсын тавцан дахь хамгийн том амжилт нь 2023 оны “BLAST Paris Major”-т 5-8 дугаар байр эзэлсэн явдал юм. Мөн тэрээр “Monte”-той хамт “ESL Challenger DreamHack Winter 2023” тэмцээнд түрүүлж байсан.

Woro2k 2024 оны дундуур “Monte”-гоос явсныхаа дараа “DRILLAS” болон “Passion UA” багуудад тоглож байгаад 2026 оны нэгдүгээр сард “Eternal Fire”-д элссэн билээ. Тэрээр 2021 оноос хойш тоглоомын дүрэм зөрчих програм (cheat) ашигласан гэх шүүмжлэл, хардлагад хэд хэдэн удаа өртөж байсан юм.

Энэхүү мэдээлэл нь одоогоор зөвхөн цуу ярианы түвшинд байгаа бөгөөд ESIC-ээс албан ёсны мэдэгдэл гаргах хүртэл батлагдсанд тооцох боломжгүй юм.