CS2-ын 2025 оны шилдэг 20 тоглогчийг 12 дугаар сарын сүүлээс зарлаж эхэлнэ

Кибер спортын нөлөө бүхий хэвлэл болох HLTV 2025 оны дэлхийн шилдэг тоглогчдын чансааг зарлах товлосон хугацаагаа олон нийтэд танилцууллаа.

Журмын дагуу өдөр бүр нэг тоглогчийг танилцуулах бөгөөд шилдгүүдийн цуврал 2025 оны 12 дугаар сарын 24-нөөс эхлэн задарна. Энэхүү үйл ажиллагаа 2026 оны 1 дүгээр сарын 10-нд Серби улсын Белград хотод болох албан ёсны шагнал гардуулах ёслолоор өндөрлөх юм.

HLTV Awards 2025 шагналын төрлүүд:

“HLTV Awards 2025” нь гурван үндсэн хэсгээс бүрдэнэ:

1. Дотоод шагнал: HLTV-ийн редакцын зүгээс тодорхойлно.
2. Хэрэглэгчдийн шагнал: Олон нийтийн нээлттэй санал асуулгаар тодруулна.
3. Шинжээчдийн багийн шагнал: Мэргэжлийн шүүгчид гол дүрүүд болон нэр дэвшигчдийг сонгоно.

Шинжээчдийн багт нийт 35 хүн багтсан бөгөөд үүнд тухайн улирлын шилдэг 20 багийн төлөөлөл, тайлбарлагчид, шинжээчид болон HLTV-ийн ажилтнууд багтжээ.