Counter-Strike-ийн бүтээгч Мин Ли дуртай CS2 тоглогчдоо нэрлэв

Алдарт Counter-Strike тоглоомыг хамтран бүтээсэн Мин “Gooseman” Ли YouTube-ийн Gaming Interviews сувагт өгсөн ярилцлагынхаа үеэр CS2-ийн мэргэжлийн тоглогчдоос хэнийг хамгийн их сонирхон үздэгээ хуваалцлаа.

Түүний дуртай 3 тоглогч:

Мин Ли дараах гурван тоглогчийг онцолсон бөгөөд тэдний тоглолтын хэв маяг түүний анхаарлыг татдаг гэнэ.

• ZywOo (Матье Эрбо):
  “ZywOo-г үзэх үнэхээр таатай. Түүний тоглолт намайг үргэлж татдаг,” хэмээн Мин Ли дурдсан байна.
• ropz (Робин Коль):
  “ropz бол үнэхээр гайхалтай тоглогч. Ялангуяа клатч үеийн тоглолт нь онцгой. Түүнийг дагаж харах бүртээ энэ арай дэндүү шүү гэж боддог.”
• donk (Денис Жарецкий):
  “donk-ийг харахад зүгээр л солиотой. Тэр хэзээ ч байж боломгүй агшинд галзуурсан хэдэн килл хийчихдэг,” гэж Gooseman хуваалцжээ.

Vitality-д дуртай ч андердог багуудыг ч дэмждэг

Тэрбээр мөн “Team Vitality-г дэмждэг. Гэхдээ андердог багуудад ч бас дуртай. Заримдаа ялагдах магадлал өндөртэй баг хожиход бүр их хөөрдөг” хэмээн хэлжээ.