Call of Duty: Black Ops 7-ийн тестийн үеэр Activision 97%-иас дээш хакерыг илрүүлж, хоригложээ

Activision компани Call of Duty: Black Ops 7 тоглоомын хаалттай болон нээлттэй бета тестийн дүнг танилцууллаа.

Туршилт 10-р сарын 5-ны 20:00 (Москвагийн цагаар) эхэлж, PC болон консол хэрэглэгчид оролцсон. Компанийн RICOCHET нэртэй аюулгүй байдлын багийн мэдээлснээр, шинэчлэгдсэн хамгаалалтын систем болон техник хангамжийн шалгалт нь хакеруудын тоглолтод нэвтрэхийг 97%-ийн хэмжээнд амжилттай зогсоосон байна.

• TPM 2.0 баталгаажуулалт,
• Автомат хариу үйлдлийн систем,
• Реал-тайм хяналтын технологи зэрэг арга хэрэгслүүд нь тоглоомд ашиглагдаж буй хорлонтой програмуудыг илрүүлэхэд онцгой үүрэг гүйцэтгэсэн.

Хакерууд илэрснээс хойш дунджаар 30 минутын дотор тоглоомоос хасагдсан бөгөөд нийт дунд 1%-иас ч бага хэрэглэгч л тоглолтод нэвтрэх боломжтой байжээ. Мөн RICOCHET баг сошиал сүлжээнд гарсан хакерийн бичлэгүүдэд ч бодит цагийн хяналт хийж, тухайн хэрэглэгчид аль хэдийн хориглогдож байсан болохыг онцолсон.

Activision-ийн мэдээлснээр хэд хэдэн хакерийн хэрэгсэл бүтээгчид өөрсдийн бүтээгдэхүүнийг Black Ops 7-д ашиглах боломжгүй хэмээн зарласан байна. Түүнчлэн компани эдгээр хууль бус програм түгээгчдийн эсрэг шүүхэд хандсаар байгаа бөгөөд зургаадугаар ангиас хойш 40 гаруй хакерийн платформыг хааж, хууль ёсны арга хэмжээ авсан гэжээ.

Гэсэн хэдий ч TPM 2.0 болон Secure Boot шаардлага нь зарим тоглогчдын хувьд хүндрэл үүсгэж байгаа талаар Activision хүлээн зөвшөөрсөн. Тэд тоглогчдод тоглоомын албан ёсны гарын авлагыг дагаж, системээ урьдчилан бэлтгэхийг зөвлөжээ.

Call of Duty: Black Ops 7 тоглоомыг 11-р сарын 14-нд PC, PlayStation, Xbox платформуудад гаргах бөгөөд зөвхөн Xbox Game Pass Ultimate-д нээлттэй байх юм.