Esports Charts аналитик платформ 2025 оны Counter-Strike 2 төрлийн хамгийн алдартай тэмцээнүүдийг үзэгчдийн оргил тоо болон нийт үзсэн цагаар нь эрэмбэлэн танилцууллаа.
Тэргүүлэгч тэмцээн: BLAST.tv Austin Major 2025 тэмцээн хоёр үзүүлэлтээр хоёуланд нь тасархай тэргүүлэв. Тус тэмцээн нэгэн зэрэг 1.79 сая үзэгч цуглуулж, нийт 76.11 сая цаг үзэгдсэнээр CS2-ын 2025 оны хамгийн гол үйл явдал гэдгээ батлан харууллаа.
Удаах байрууд: Жагсаалтын хоёрдугаар байрт StarLadder Budapest Major 2025 орсон байна. Тус тэмцээн оргил үедээ 1.59 сая үзэгчтэй байсан бөгөөд нийт 71.31 сая цаг үзэгджээ. Энэхүү хоёр Мэйжор (Major) тэмцээн бусад арга хэмжээнүүдээс хол тасархай байгаа нь Valve-ийн албан ёсны тэмцээнүүдэд үзэгчид хэр их ач холбогдол өгч буйг илтгэж байна.
Бусад онцлох тэмцээнүүд: Intel Extreme Masters цуврал тэмцээнүүдээс IEM Katowice 2025, IEM Cologne 2025 болон IEM Melbourne 2025 тэмцээнүүд хамгийн өндөр үзүүлэлттэй гарсан бол ESL Pro League Season 21 нийт үзсэн цагийн үзүүлэлтээр топ-5-д багтжээ. Эдгээр тоо баримтууд нь 2025 онд CS2 болон түүний үндсэн LAN тэмцээнүүдэд хандах үзэгчдийн сонирхол тогтвортой өндөр байгааг дахин баталлаа.
