“Esports World Cup Foundation”-аас алдарт Street Fighter 6-г “Esports Nations Cup 2026” (ENC) тэмцээний 16 дахь бөгөөд хамгийн сүүлчийн төрлөөр албан ёсоор зарлалаа. Ингэснээр энэ жилийн тэмцээний үндсэн хөтөлбөр бүрэн бүрдэж байна.
Тэмцээний формат ба онцлог
SF6-ийн тэмцээн нь хувь тоглогчдын тулаан гэхээсээ илүү “Street Fighter League”-ийн бүтцийг баримталсан багийн форматаар явагдах аж. Энэхүү багийн стратеги дээр суурилсан систем нь тэмцээнийг улам сонирхолтой, тактик ихтэй болгоно гэж зохион байгуулагчид үзэж байна.
Нийт 24 улсын баг дэлхийн аваргын төлөө нударга зөрүүлэх бөгөөд суудлын хуваарилалтыг дараах байдлаар шийджээ:
- 12 баг: Шууд урилгаар оролцох эрх авна.
- 10 баг: Бүс нутгийн хатуу чанга сонгон шалгаруулалтаар шалгарна.
- 2 баг: Тусгай урилга буюу “wildcards”-аар оролцоно.
Мэргэжилтний тэмдэглэл: Street Fighter 6 нь сүүлийн үед кибер спортын ертөнцөд маш хүчтэй давалгаа үүсгэж байгаа бөгөөд ENC-ийн жагсаалтыг ийнхүү “төгсгөлийн цохилт”-оор гүйцээж байгаа нь зодоонт тоглоом сонирхогчдын хувьд том бэлэг боллоо.
