3 дугаар сарын 25-нд шилжих шөнө Dota 2 тоглоомын 7.41-р томоохон хэмжээний патч гарлаа. Хөгжүүлэгчид энэ удаад “Facet”-үүдийг (баатруудын туслах шинж чанарууд) тоглоомоос хасаж, төрөлх чадваруудыг (Innate Abilities) шинэчлэн, газрын зургийн бүтцэд хэд хэдэн өөрчлөлт оруулсан байна.
Төрөлх чадваруудын шинэчлэл Valve компани баатруудын төрөлх чадварыг (Innate Abilities) үндсээр нь өөрчлөв. Одоо тэдгээрийн үр нөлөө нь бусад скиллүүдийг хэрхэн сайжруулснаас хамаарахаа больжээ. Өмнө нь бусад чадвартайгаа хамт хүчирхэгждэг байсан төрөлх чадварууд одоо тогтмол үзүүлэлттэй болсон эсвэл баатрын түвшин ахих тусам автоматаар сайжирдаг болсон байна.
Газрын зургийн өөрчлөлт Газрын зураг дээрх зарим чухал объектуудын байршлыг сольжээ. Тухайлбал, Tormentor-уудын байрлалыг өөрчилсөн бөгөөд анхны Tormentor газрын зургийн доод хэсэгт гарч ирэхээр боллоо.
9 шинэ айтем нэмэгдлээ Тоглоомд нийт 9 шинэ айтем (артефакт) нэмэгдсэн байна:
- 4 үндсэн айтем: Chasm Stone, Shawl, Splintmail, Wizard Hat.
- 5 нийлүүлж угсардаг айтем: Consecrated Wrasp, Crella’s Crozier, Essence Distiller, Specialist’s Array, Hydra’s Breath.
7.41 патчийн бүх өөрчлөлтүүдийн бүрэн жагсаалттай Dota 2-ын албан ёсны вэбсайтаас дэлгэрэнгүй танилцах боломжтой.
