“Minecraft Live 2026” арга хэмжээний үеэр Mojang студи Minecraft Dungeons 2 тоглоомыг албан ёсоор зарлалаа. Уг тоглоом 2026 оны 10 эсвэл 11 дүгээр сард багтан тоглогчдын хүртээл болохоор төлөвлөгдөж байна.
Энэхүү төсөл нь цувралын хувьд жинхэнэ “next-gen” буюу шинэ үеийн тэсрэлт болно гэдгийг хөгжүүлэгчид амлаж байгаа юм. Шинэ анги нь Xbox болон PC-ээс гадна PlayStation 5 дээр гарах бөгөөд Nintendo Switch 2-ын хамгийн гол тоглоомуудын нэг болох ажээ.
Тоглоомын хөгжүүлэлт дээр Mojang болон Double Eleven студиуд дахин хамтран ажиллаж байна. Зохион бүтээгчдийн хэлснээр, энэ удаад тэд зүгээр нэг “нэмэлт контент” (DLC) хийхийг зорьсонгүй, харин технологийн шинэ шийдэл ашиглан тоглоомыг бүрэн эхнээс нь шинээр бүтээжээ.
Тоглоомын ертөнц өмнөх хязгаараасаа хальж, илүү далайцтай болох юм. Тоглогчид Minecraft-ын ертөнцийн өмнө нь ямар ч цуврал дээр гарч байгаагүй цоо шинэ бүс нутгуудаар аялах боломжтой. Мөн дүр хөгжүүлэлтийн систем (progression system) илүү уян хатан болж, шинэ төрлийн артефакт болон шидэт чадваруудын тусламжтайгаар өөрийн гэсэн дахин давтагдашгүй дүрийг (build) бүтээх боломжийг олгох гэнэ.
