26
Resident Evil: Requiem тоглоом ESRB агентлагаас албан ёсны M буюу “Зөвхөн насанд хүрэгчдэд” (Mature 17+) зориулсан ангиллыг авлаа. Рейтингийн агентлагийн цахим хуудсанд уг шийдвэрийн шалтгаануудыг дэлгэрэнгүй тайлбарласан байна.
Ангилал тогтоосон гол шалтгаанууд:
- Цус болон зэрлэг дүрслэл: Тоглоомд цус, биеийн хэсгүүд салж буй үзэгдлүүд ихээр гардаг. Дайснууд цусан мөр үлдээхээс гадна байршлуудад дотор эрхтэн нь ил гарсан цогцос, биеийн тасархайнууд тааралддаг байна.
- Хэт хүчирхийлэл: Тоглогчид зомби болон мутантуудыг устгахын тулд галт зэвсэг, тэсрэх бодис, цахилгаан хөрөө ашигладаг.
- Кино шиг хэсгүүд: Дүрүүдийн хоолой руу хутгалах, хүзүү хэрчих, биеийг нэвт сүлбэх зэрэг хэрцгий хэсгүүдийг ойрхон зайнаас харуулдаг. Мөн дүрүүд механизмын доор дарагдах эсвэл тулааны үеэр мөчөө тасдуулах тохиолдлууд гардаг байна.
- Бусад: Тоглоомд бүдүүлэг үг хэллэг байнга ашиглагддаг болохыг тэмдэглэжээ.
Тоглоомын доторх худалдан авалт ба нээлт:
ESRB-ийн тайланд тоглоом доторх худалдан авалт (in-game purchases) байгааг дурдсан нь Capcom компани тоглоом нээлтээ хийсний дараа нэмэлт контент (DLC) эсвэл тусгай хувилбарууд гаргахаар төлөвлөж байгааг илтгэж байна.
Resident Evil: Requiem тоглоом 2026 оны 2-р сарын 27-нд нээлтээ хийхээр төлөвлөгджээ.
